தென்னையில் செய்ய வேண்டியவை மற்றும் செய்யக் கூடாதவை
செய்ய வேண்டியவை:
- தரமான தாய் மரத் தேர்வு
- சரியான பருவத்தில் கன்றுகளை நடவும்
- 5 மாதத்திற்குள் முளைக்காத கன்றுகளை அகற்றவும்
- 9-12 மாத வயதுடைய கன்றுகளை நடவும்
- குழிகளின் பக்கவாட்டில் மண்ணை அகற்றி, கன்றுகள் வளர வளர புதிய மண் இடவும்
- மழைக்காலத்தில், கன்றின் அடித்தண்டில் ஒட்டியிருக்கும் மண்ணை அகற்றவும்
- சொட்டு நீர் பாசன முறையை பின்பற்றி நீர் மூலம் உரமிடவும்
- மண் சோதனை மதிப்பீட்டு அளவுகளைக் கொண்டு சரியான, தேவையான அளவு தொழு உரம், உரமிடவும்
- குருத்து அழுகலைத் தடுக்க, சரியான வடிகால் வசதி செய்யவும்
- அடித்தண்டு அழுகலைக் கட்டுப்படுத்த, சொட்டு நீர் பாசனம் செய்யவும்
- பூச்சிக் கொல்லி மருந்துகள் தெளிக்கும் போது, 45 நாட்கள் கழித்து காய் பறிக்கவும்
- நோய் மற்றும் பூச்சி கட்டுப்பாட்டிற்கு, இயற்கை வழி பொருட்கள் மற்றும் உயிரியல் கட்டுப்பாட்டு காரணிகளை பயன்படுத்தவும்
- வீரிய ஒட்டுக் கன்றுகளை, நல்ல நீர் வசதியுடன் நன்றாக பராமரித்து வளர்க்கவும்.
செய்யக் கூடாதவை:
- வீட்டுக்கு அருகாமையில், மாட்டுத் தொழுவம், குப்பைக் குழிக்கு பக்கத்தில் மற்றும் பிற வசதியான இடங்களில் வளரும் தென்னை மரங்களை தாய் மரமாக தேர்வு செய்யக் கூடாது.
- அதிகமான மகசூல் கொடுத்தாலும், ஒல்லி தேங்காய்களை உற்பத்தி செய்யும் மரங்களை தாய் மரமாக தேர்வு செய்யக் கூடாது.
- முதிர்ச்சி அடையாத காய்களை விதைக் காய்களாக தேர்வு செய்யக் கூடாது
- சேமிக்கும் போது ரொம்பவும் அடைத்து வைக்க கூடாது
- தாழ்வான பகுதிகளில், மழை நேரத்தில் நடவு செய்வதைத் தவிர்க்கவும்
- திறந்த வெளியில் நாற்றங்கால் அமைக்கக் கூடாது
- சாய்வாக நடுவதைத் தவிர்க்கவும். மிக பக்கமாகவோ தூரமாகவோ நடவு செய்யக் கூடாது.
- 9மாதத்திற்கு கீழ் வயதான கன்றுகளையும், 12 மாதத்திற்கு மேல் வயதான கன்றுகளை நடக் கூடாது
- தென்னந்தோப்பை அடிக்கடி உழ வேண்டாம்
- அதிகமான தண்ணீர் பாய்ச்சுவதை தவிர்க்கவும்
- பரிந்துரைக்கப்படாத உரங்களை இட வேண்டாம்.
- வேர்கள் மற்றும் தண்டுகளில் காயம் ஏற்படுத்தக் கூடாது
- பச்சை இலைகளை வெட்டக் கூடாது.
- பரவல் பாசன முறையை பின்பற்ற வேண்டாம்
- இனக்கவர்ச்சி பொறிகளை நேரான சூரிய வெளிச்சத்தில் வைக்கக் கூடாது
- பிரச்சினையுள்ள மண் மற்றும் நீர் தட்டுப்பாடு உள்ள பகுதிகளில் வீரிய ஒட்டுக்களை வளர்க்கக் கூடாது.