• கரும்பின் நீர்த்தேவை வேளாண் தட்பவெப்பநிலை, மண் வகை, நடவு செய்யும் முறை, பயன்படுத்தப்படும் உரம் மற்றும் கரும்பு மகசூலைப் பொறுத்து வேறுபடும். வெப்பமண்டலத் தட்பவெப்பநிலை, வறண்டகாற்று, வறட்சி போன்றவை பயிரின் நீர்த் தேவையை அதிகரிக்கின்றன.

• குழி நடவு முறையில் நீர்த்தேவை குறைவாக இருந்தாலும், அதிகளவு உரங்கள் இடும்போது தேவைப்படின் நீரின் அளவும் அதிகரிக்கும். 1 டன் கரும்பு உற்பத்தி செய்ய, சராசரியாக 60-70 டன் நீர் தேவைப்படுகிறது. தடினமான இரகங்களுக்கு 200 செ.மீ –ம், சற்று மெலிந்த இரகக் கரும்பிற்கு 150 செ.மீ நீரும், அட்சாலி கரும்பிற்கு 200 செ.மீ நீரும், இதை தவிர 75 செ.மீ மழைப்பொழிவும் தேவைப்படுகின்றது. இருப்பு நீர், 50 சதவீத அளவு இருக்கும் போது பாசனம் செய்ய வேண்டும்.

• கரணை நடவு செய்யும்போது போதுமான அளவு ஈரப்பதம் மண்ணில் இருக்க வேண்டும். முதல் பாசனம் 20-25% பயிர்கள் முளைத்திருக்கும்போது அல்லது நடவு செய்து 20 நாட்களுக்குப் பிறகு அளிக்கப்பட வேண்டும். கோடை காலங்களில் 10-15 நாட்களுக்கு ஒருமுறை நீர் பாய்ச்சப்பட வேண்டும். குளிர்காலங்களில் 25-30 நாட்களுக்கு ஒருமுறையும், வறட்சி ஏற்பட்டிருப்பின் மழைக்காலங்களிலும் கூட அவ்வப்போது நீர் பாய்ச்ச வேண்டும். கரும்பின் வளர்ச்சிப் பருவத்திலும், நன்கு துார்விடும் பருவத்திலும் அதிக அளவு நீர் தேவைப்படுகின்றது.

• கரும்பிற்கு நீர் அதிக அளவில் தேவைப்பட்டாலும் சில சமயங்களில் தொடர்ந்து வயலில் நீர் தேங்கிநிற்பதால் வேர்கள் சரியாக சுவாசிக்க இயலாமை, ஊட்டச்சத்துக்கள் நீரில் அடித்துச் செல்லப்படுதல், வழக்கமான நன்மை செய்யும் நுண்ணுயிரிகளின் செயல்பாடுகள் பாதிக்கப்படுதல், அதிக கிளைப்புகளால் கரும்புகள் சாய்தல் போன்ற விளைவுகள் ஏற்படும். இதனால் மகசூல் மிகவும் பாதிக்கப்படுவதோடு கரும்பின் தரமும் குறைகின்றது. எனேவ வயலில் முறையானவடிகால் வசதி இருப்பது அவசியம்.

பயிர் பருவங்கள்

நீர் பாய்ச்சல் இடைவெளி (நாட்களில்)

செம்மண்

வண்டல்மண்

கரிசல்மண்

முளைக்கும் பருவம்

(0-45 நாட்கள்)

5-6

6-7

8-10

தூர்விடும் பருவம்

(45-120 நாட்கள்)

6-7

7-10

12-15

உச்சகட்டவளர்ச்சிப் பருவம்

(120-127 நாட்கள்)

7

10

12-15

முதிர்ச்சிப் பருவம்

(270-360 நாட்கள்)

10

12-15

15-20

ஒன்றுவிட்ட பாத்திப் பாய்ச்சல்:

• இம்முறையானது சமமான படுகைகளில் கரணை நடவு செய்யப்பட்டு பின்பு முளைத்த பின் 45 செ.மீ அகலமும் 15 செ.மீ ஆழமும் கொண்ட பாத்திகள் ஒன்றுவிட்ட கரும்பு இடைவெளிகளில் உருவாக்கப்படும் முறையில் பின்பற்றப்படுகின்றது.

• இதன்மூலம் ஓரளவு நீரினைச் சேமிக்க முடியும்.

• இலையுதிர் காலங்களில் 7 நீர்ப்பாய்ச்சல்கள் (5 மழைக்கு முன்பும், 2 மழைப் பொழிவிற்குப் பின்பும்) அளிக்கப்படுகின்றன.

• வசந்தகாலத்தில் 6 நீர்ப்பாய்ச்சல்கள் (அதாவது 4 மழைக்கு முன்பும், 2 மழைப் பொழிவிற்குப் பின்பும்) துார்விடும் சமயத்தில் கண்டிப்பாக நீர்பாய்ச்சல் அளிக்கப்படுகின்றன.

தெளிப்பு நீர்ப்பாசனம்:

• தெளிப்பு நீர் பாசனத்திற்கென மேம்படுத்தப்பட்ட தெளிப்பான்கள், கையினால் மற்றும் தானாகவே செயல்படக்கூடியவை, பழைய அதிக எடை கொண்ட, ஆட்கள் கொண்டு கையினால் தெளிக்கக்கூடிய சத்தமிடக்கூடிய தெளிப்பான்களில் தற்போது பல புதிய வகைகள் எளிதில் கையாளும் வண்ணத்தில் உருவாக்கப்பட்டு சந்தைகளில் கிடைக்கின்றன.  எனினும் வினாடிக்கு 4 அல்லது 5 மீட்டர் வேகத்தில் காற்று வீசும்போது இத்தெளிப்பான்களின் பயன்பாடு பாதிக்கப்படுகின்றது.

சொட்டு நீர்ப்பாசனம்:

• சொட்டு நீர்ப்பாசனம் என்பது பக்கக் குழாய்களில் நீர் சொட்டிகளை அமைத்து, பயிரின் வேர்ப்பகுதிக்குத் தேவையான நீரைச் சமச்சீராகக் கொடுப்பதே ஆகும். இம்முறையில் நீரானது மண்ணின் மேற்பகுதியில் சிறிதளவு அழுத்தம் (20-200 கிலோ பாஸ்கல்) மூலம் நீர் கொஞ்சம் கொஞ்சமாக வெளியேறுமாறு (0.6-20 எல்.பி.ஹெச்) செய்து மண்ணினைப் பகுதியளவு நனையச் செய்வதாகும்.

• சொட்டு நீர்ப்பாசனம் என்பது பக்கக் குழாய்களில் நீர் சொட்டிகளை அமைத்து, பயிரின் வேர்ப்பகுதிக்குத் தேவையான நீரைச் சமச்சீராகக் கொடுப்பதே ஆகும். இம்முறையில் நீரானது மண்ணின் மேற்பகுதியில் சிறிதளவு அழுத்தம் (20-200 கிலோ பாஸ்கல்) மூலம் நீர் கொஞ்சம் கொஞ்சமாக வெளியேறுமாறு (0.6-20 எல்.பி.ஹெச்) செய்து மண்ணினைப் பகுதியளவு நனையச் செய்வதாகும்.

• கரும்பில் சொட்டு நீர்ப்பாசனம் என்பது ஒரு புதிய ஆக்கப்பூர்வமான தொழில் நுட்பம். இதன் மூலம் நீர் மற்றும் ஆற்றலை மிச்சப்படுத்துவதோடு நல்ல இலாபம் ஈட்ட முடியும்.

• இதன் மூலம் கரும்பின் மூன்று முக்கியப் பிரச்சினைகளான நீர்ப்பற்றாக்குறை, நீர்  இறைக்கத் தேவைப்படும் ஆற்றல் செலவு மற்றும் குறைந்த இலாபம் போன்றவற்றிற்குத்  தீர்வுகாணலாம்.

• உழவியல் முறைகள், தொழில் நுட்ப முறை மற்றும் பொருளாதாரக் காரணிகளைப் பொறுத்தே சொட்டு நீர் பாசனத்தின் இலாபம் அமையும்.

• 240 செ.மீ இடைவெளி கொண்ட பாரின் நடுவே 12 மி.மீ அளவுள்ள பக்கவாட்டுக் குழாய்களை வைக்க வேண்டும். இப்பக்கவாட்டுக் குழாய்களில் 8 எல்.பி.ஹெச் அடைப்புகளற்ற சொட்டுவான்களை 75 செ.மீ இடைவெளியில் பொருத்த வேண்டும். இக்குழாயின் நீளம் 30-40 மீட்டருக்குள் இருக்க வேண்டும்.

• பயிரின் நீர் ஆவியாகும் போது தேவையைப் பொறுத்து சுமார் 3 நாட்களுக்கு ஒருமுறை நீர் பாய்ச்சலாம்.

மேற்பரப்பு சொட்டுநீர்:

• பயிருக்குத் தேவையான நீரை சொட்டு  சொட்டாக அல்லது சிறிய ஓடை அமைப்பு மூலம் குறிப்பிட்ட இடைவெளியில் பக்கக் குழாய்களில் பொறுத்தப்பட்டுள்ள சொட்டிகள் மூலம் அளிப்பதே மேற்பரப்பு சொட்டு நீர் பாசனம் ஆகும்.

• பயிர் வரிசை முறை அல்லது ஒருங்கிணைக்கப்பட்ட மேற்புற மண் சொட்டு நீர் பாசனம் என இருவகை உண்டு.  இதில் ஒருங்கிணைந்த முறை கரும்பு  பயிருக்குப்  பரிந்துரைக்கப்படுகின்றது.

கீழ்மட்ட சொட்டு நீர்ப்பாசனம்:

• நன்கு மோல்ட் செய்யப்பட்ட சொட்டிகளை பக்கக் குழாயினுள் அமைத்து அதனை மண்ணில் சற்று புதைந்தவாறு வைத்து நீர் பாய்ச்சுவதே ஆகும்.  இக்குழாயின் சொட்டிகள் ஒருங்கிணைந்த முறை சொட்டிகளைப் போலவே (1.0-3.0எல்.பி.ஹெச்) நீர்சொட்டக் கூடியவை.

• பயிர்த்தேவை மற்றும்  மண் வகையைப் பொறுத்து ஒருங்கிணைந்த முறையில் (மெல்லிய (அ) தடித்த சுவர்கொண்ட) குழாய்களை குறிப்பிட்ட ஆழத்தில் புதைத்து வைக்கப்படுகின்றது.

• கீழ்மட்ட சொட்டு நீர்ப்பாசனத்தில் ‘ஒற்றைப்பயிர்’ மற்றும் ‘பலபயிர்’ முறைக்கேற்றவாறு இரண்டு முறைகள் உள்ளன.

• கீழ்மட்ட நீர்ப்பாசனத்தில் மேற்பரப்பு நீர் ஆவியாதல் தடுக்கப்படுவதால் நீர் மிச்சப்படுத்தப்படுகின்றது.  மேலும் பூச்சி மற்றும் நோய்த் தாக்குதலைக் குறைத்து மகசூல் அதிகரிக்க செய்கின்றது.

• 25-50% நீர் சேமிக்கப்படுகின்றது.

• நீர்த் தேவை மிகவும்  குறைவு.

• நீர் ஆவியாகி வீணாவது பெருமளவு தடுக்கப்படுகின்றது.

• களைப்பிரச்சினை குறைவு.

• நீர் பாய்ச்சப்படும் நேரம் குறைவு.

• பயிர் வளர்ச்சி ஒரே சீராக இருக்கிறது.

• குறைந்த நீர்ப்பாசனத்தில் அதிகமகசூல்.

• பூச்சி, நோய் மற்றும் களைத் தொல்லை குறைக்கப்படுகிறது.

• நீர் சேமிக்கப்படுவதால் அதைக்கொண்டு அதிகபரப்பில் சாகுபடி செய்யலாம்.

• நீரில் மனிதர்கள் அதிக நேரம் நிற்பதால் நீர் மூலம் பரவும் (பில்ஹாரியா (அ) சிஸ்டோசோமியாசிஸ்) நோய்களின் பாதிப்பு குறைவு.

• கால்வாய்கள் மாசு படுத்தப்படுவது குறைகிறது.  இம்முறையின் மூலம் குறிப்பிடத்தக்க அளவு நீர்  சேமிக்கப்படுகின்றது. 

உரப்பாசனம்

• கரும்பு நீண்ட காலப்பயிராக, அதிக எடை கொண்டதாக இருப்பதால் இதன் வளர்ச்சிக்கு அதிகளவிலான சத்துகள் தேவைப்படுகின்றன.

• இதற்கு உரப்பண்ணை, வென்சுரி அமைப்பு, உட்செலுத்தும் பம்ப், மின்சாரமற்ற விகித நீர்மக் கரைப்பான் (என்.இ.பி.எல்.டி) மற்றும் தானியங்கி முறைபோன்ற அமைப்புகள் அவசியம்.

• உரப்பாசன முறையில் கரும்பிற்குத் தேவையான சத்துகள் பயிரின் வேர் அருகிலேயே தேவையான அளவில் மண்ணின் வகையைப் பொறுத்து அளிக்கப்படுகின்றன. இதனால் அதிக மகசூலும், சர்க்கரை மகசூலும் கிடைக்கின்றது.

உரப்பாசன அடிப்படை நுணுக்கங்கள்

• உரப்பாசனம் என்பது பயிருக்கு தேவையான உரங்களை பாசனநீரில் கலந்து அளிப்பதாகும்.

• இவ்வுறப் பாசனம் உரப்பண்ணை, வென்சுரி அமைப்பு, உட்செலுத்தும் (பம்ப்) குழாய், மின்சாரமற்ற விகித நீர்மக்கரைப்பான் (என்.இ.பி.எல்.டி) மற்றும் தானியங்கி அமைப்பு  முறை போன்றவற்றின் மூலம் செயல்படுத்தப்படுகின்றது.

• நைட்ரஜன் மற்றும் பொட்டாஷ் உரங்கள் முறையே 275 மற்றும் 112.5 கி.கி/ஹெக்டர் என்ற அளவில் நடவு செய்து 15 நாட்களுக்குப் பிறகு 15 நாட்கள் இடைவெளியில்  உரத்தினை 14 சரிபகுதிகளாகப் பிரித்து அளிக்க வேண்டும்.

• ஒவ்வொரு பகுதி உரத்திலும் 25 கி.கி நைட்ரஜன், 8 கி.கி பொட்டாஷ் என்ற அளவில் ஒரு ஹெக்டருக்கு அளித்தல் வேண்டும்.

• மேற்கண்ட சத்துக்களுக்கு யூரியா மற்றும் மியூரேட் ஆஃப் பொட்டாஷ் (வெள்ளை நிற பொட்டாஷ்) உரங்களைப் பயன்படுத்தலாம்.

• நடவு செய்த பின் 210 வது நாள்வரை கூட உரப்பாசனம் அளிக்கலாம்.

கரும்பிற்கான நீரில் கரையும் உரங்களின் வகை மற்றும் தேவை

• பரிந்துரைக்கப்பட்ட அளவு: 275:62.5:112.5 கி.கி என்.பி.கே/ஹெ (தழை-மணிசாம்பல் சத்துக்கள்/ஹெ).

• உரப்பாசனத்திற்குப் பரிந்தரைக்கப்பட்ட அளவு 275:15:112.5 தழை-மணி-சாம்பல் (என்.பி.கே/ஹெ).