பிள்ளைப் பூச்சி

தாக்குதலின் அறிகுறிகள்:
பயிரை கடித்துவிடுவதால் பயிர் எண்ணிக்கையில் இழப்பு ஏற்படும். நாற்றுக்களின் அடிப்பகுதி வெட்டப்பட்டிருக்கும். நாற்றுக்கள் மோசமாக வளர்ச்சியுடன் காணப்படும். நாற்றுக்கள் மடிந்துவிடும். பயிர்கள் ஆங்காங்கே இல்லாமல் இருக்கும். வேர் சேதம் ஏற்பட்டிருக்கும்.
	பிள்ளைபூச்சியால் ஏற்படும் சேதம்	பிள்ளைபூச்சியால் ஏற்படும் சேதம்

மேலே செல்க

பூச்சியை கண்டறிதல் :
அறிவியல் பெயர் - கிரில்லோடால்பா ஒரியன்டேலிஸ் முட்டை : முட்டைகள் நீண்ட சதுர வடிவத்திலிருந்து முட்டை வடிவமாகவும் சாம்பல் நிறத்தில் மினுமினுப்பான மேல் பரப்பும் கொண்டு காணப்படும். இவை 2.6 மிமீ நீளமுடையது. பெண் பூச்சிகளால் உருவாக்கப்பட்ட துளைகளில் முட்டைகள் இடப்பட்டிருக்கும். இளம்பூச்சிகள் : வெள்ளை மற்றும் நீல நிறமுடைய முன் மார்பு மற்றும் கால்களைக் கொண்டது. வளரும்போது இவை சாம்பல் நிறத்திலிருந்து கருப்பு நிறத்திற்கு மாறி வெண்நிறக் குறிகளுடன் காணப்படும். சிறிய இறக்கைகளை தவிர, கடைசி நிலை இளம்பூச்சிகள் வளர்ச்சி அடைந்த பூச்சிகளைப் போலவே காணப்படும். முதிர்பூச்சி : பழுப்பு நிறத்தில், தடித்து காணப்படும். 25-40 மிமீ நீளம் அளவுடையது. சிறிய உணர்கொம்புகள் கொண்டு காணப்படும். மடங்கிய இறக்கைகள் வயிற்றுப்பகுதியின் முழுவதையும்மூடியிருக்காது. பெரிதாக உள்ள முன்கால்களும், வலிமையான பற்கள் போன்ற அமைப்புகளும் மண்ணைத் தோண்டுவதற்கு ஏற்றவாறு உள்ளது.

	பிள்ளைப் பூச்சி

	பிள்ளைப் பூச்சி

மேலே செல்க

மேலாண்மை:
வயலில் நீர் தேங்கி இருக்குமாறு செய்வதால், மண்ணில் இருக்கும் முட்டைகளை அகற்ற முடியும். வரப்பு சீர் செய்து, ஈர மண்ணின் மூலம் வரப்பைப் பூச வேண்டும். இதனால் முட்டைகளை அழிக்க முடியும். வயலை சமப்படுத்துவதால் பாசன நீரை ஒரே சீராக அளிக்க முடியும். பூச்சிகள் நாற்றுக்களை உண்டு சேதம் ஏற்படுவதைத் தவிர்ப்பதற்காக, மேட்டுப்பாத்தி நாற்றங்கால் அமைப்பதைத் தவிர்க்க வேண்டும். இயற்கை எதிரிகளான சிறு இடையுடைய குளவி வகைகள், தரை வண்டுகள், நுாற்புழுக்கள் மற்றும் பூசணங்கள் ஆகியவற்றைப் பாதுகாக்க வேண்டும். பிள்ளைப் பூச்சிகள் தன் இன உண்ணி பழக்கத்தால் ஒன்றை ஒன்று தின்றுவிடும். ஈரமான அரிசி தவிடு மற்றும் பூச்சிக்கொல்லி மருந்து ஆகிய இரண்டையும் கலந்து நச்சுஇரையை தயாரித்து, வரப்புகளில் வைக்கவேண்டும்.

	சரியான அளவில் நீரை நிறுத்தவும்	குளவி
	மேலே செல்க