தண்டழுகல் நோய்
(ஸ்கிலிரோஸியம் ஒரைசே)

தாக்குதலின் அறிகுறிகள்:
நீர் மட்டத்திற்கு அருகில் உள்ள வெளிப்புற இலையுறையின் மேல் ஒழுங்கற்ற கருப்பு நிற புள்ளிகளுடன் காணப்படும். நோயின் தாக்கம் அதிகரிக்கும்போது புள்ளிகள் பெருகுகின்றன. நோய்த் தாக்கப்பட்ட தண்டுகள் அழுகி காணப்படும். நோய் தாக்கப்பட்ட தண்டுகளில் பல சிறிய வெள்ளை மற்றும் கருப்பு நிற இழைமுடிச்சுகள் மற்றும் பூசண இழைகளைக் கொண்டிருக்கும். நோய் தாக்கப்பட்ட தண்டுகள் சாய்ந்தும், நிரம்பாத கதிர்களுடன் வெளிரிய தானியங்களுடனும் காணப்படும். தீவிர நோய்த் தாக்குதலால், துார்கள் மடிந்துவிடுகின்றன. இந்நோயால் பயிர்கள் சாய்ந்துவிடும்
	தண்டு அழுகல்	தண்டு அழுகல்
மேலே செல்க

		நோய்க் காரணி:
		பூசண வித்துக்கள் சற்று கருமையாகவும், உருளை வடிவத்திலும் உறையின் வெளித்திசுக்களின் உள்ளே இருக்கும். அஸ்கி குறுகலான வடிவமும், காண முடியாத சுவர்களும் இருக்கும். மேலும் பூசண வித்துக்கள் முதிர்ச்சியடையும்போது நீர்த்தல் ஏற்படுகிறது. இழை முடிச்சுக்கள் கருப்பு நிறத்திலும், உருளையாகவும், அல்லது சற்று உருளை வடிவம் போலவும், மென்மையாகவும் காணப்படும். பூசண இழைச்சிதில்கள் கருப்பாகவும், நிமிர்ந்தும் குறுக்கு சுவருடனும் இருக்கும். பூசண இழைகள் கதிர் வடிவமாகவும் மூன்று குறுக்குச் சுவர்களுடனும், வளைந்தும் குறித்த பூசண வித்துக் காம்புகளின் மேல் வித்துக்கள் உருவாகும்.
நோய்க்காரணி-ஸ்க்ளிரோசியம் ஒரைசே	நோய்க்காரணி-ஸ்க்ளிரோசியம் ஒரைசே
மேலே செல்க

கட்டுப்பாடு முறைகள்:
பயிர் அறுவடைக்குப்பின், வைக்கோல் மற்றும் பயிர்த் துார்கள் அல்லது மற்ற செடித்துார்களை எரித்தல் அல்லது வைக்கோலை வயலிலேயே மக்கவிடுதல். வயலில் நீரை வடிகட்டுவதால் வயலிலிருக்கும் பூசண இழை முடிச்சுக்களைக் குறைக்க முடிகிறது. சரிவிகித அளவு உரங்களைப் பயன்படுத்துதல் அல்லது உரங்களைப் பிரித்து இடுதல், இதில் அதிக சாம்பல் சத்து மற்றும் சுண்ணாம்புச் சத்து இருக்குமாறு அளிக்க வேண்டும். துார்வைக்கும் நடுமை பருவத்தில் ஃபென்டின்-ஹைடுராக்ஸைடு மற்றும் நோய் தாக்கப்பட்ட ஆரம்பநிலைகளில் திஅயாஃபனேட்-மிதைல் ஆகியவற்றைத் தெளிக்கவேண்டும். ஃபெரிம்ஜோன் மற்றும் வேலிடாமைசின் (எ) போன்ற பூசணக் கொல்லிகளைத் தெளிக்கவேண்டும்.
	ஃபென்டின் ஹைட்ராக்சைடு	சுண்ணாம்பு கலந்த உரம்
மேலே செல்க