பாக்கனோ நோய் (அல்லது) துார் அழுகல் நோய்:
(ஜிபரெல்லா ஃபூஜிகுராய்)

தாக்குதலின் அறிகுறிகள்:
நோய் தாக்கப்படட பயிர்கள் நாற்றங்காலிலும் வயலிலும் வழக்கத்திற்கு மாறான உயரத்துடன் காணப்படும். பயிர்கள் மெலிந்து, மஞ்சள் கலந்த பச்சை நிற இலைகளுடனும், வெளிரிய பச்சை நிற கண்ணாடி இலைகளையும் கொண்டிருக்கும். நாற்றுக்கள் துார்விடும் பருவத்தில் காய்ந்துவிடும். பயிரில் துார்கள் குறைந்தும், இலைகள் காய்ந்தும் காணப்படும். இந்நோய் தாக்கப்பட்ட பயிர்களில் பூக்காமலும், கதிர்கள் அறைகுறையாகவும், பூக்கள் மலட்டுத் தன்மையுடனும் மணிகள் நிரம்பப்படாமலும் இருக்கும். விதைப்பாத்திகளில் நோய் தாக்கப்பட்ட நாற்றுக்கள் வேர்களில் புள்ளிகளுடன் காணப்படும். இந்நாற்றுக்கள் நடவு செய்வதற்கு முன்னோ அல்லது நடவிற்குப் பின்னரோ இறந்துவிடும்.
	துார் அழுகல் நோய்	துார் அழுகல் நோய்
மேலே செல்க

		நோய்க் காரணி:
		நோய் காரணிகள் இனக்கலப்பு முறையால் பூசண வித்துக்களை அஸ்கஸ் எனும் பைக்குள் உருவாக்கிறது. அஸ்கி நீள் உருளை வடிவமாகவும், உந்துருள் வடிவமாகவும், மேல்புறம் தட்டையாகவும் 90-102 x 7-9 மைக்ரோ மீட்டர் அளவு கொண்டது. அவை 4-6 பூசணவித்துக்களுடையது. ஆனால் அரிதாக 8 பூசண வித்துக்களையும் கொண்டிருக்கும். பூசண இழைகள் கிளைகளுடனும், தடுப்புச் சுவருடனும், காணப்படும். மேலும் பூசணங்கள் நுண் பூஞ்சை இழை சிதில்கள் மற்றும் பெரும்பூஞ்சை இழை சிதில்களைக் கொண்டிருக்கும். இவை நுண் மற்றும் பெரும் பூசண இழைகளை உருவாக்குகிறது. இழை முடிச்சுகள் 80 x 100 மைக்ரோ மீட்டர் அளவுடையது. இவை வட்டமாக கரு நீள நிறமுடன் காணப்படும். இலைத்துளைகள் ஏறக்குறைய மஞ்சளாக, பழுப்பு நிறமாக அல்லது ஊதா நிறமாகவும் இருக்கும்.
துார் அழுகல் நோய்க்காரணி	துார் அழுகல் நோய்க்காரணியின் பெரு, நுண் வித்துக்கள்
மேலே செல்க

நோய் மேலாண்மை:
சுத்தமான விதைகளைப் பயன்படுத்தவேண்டும். உப்பு நீரைப் பயன்படுத்தி எடைகுறைவான நோய் தாக்கப்பட்ட விதைகளை விதைக்குவியலிருந்து பிரித்தெடுக்க வேண்டும். விதைகளை விதைக்கும்முன் திரம், தியோபனேட்மிதைல், அல்லது பெனோமைல் போன்ற பூச்சிக்கொல்லிகளுடன் கலந்து விதை நேர்த்தி செய்ய வேண்டும். விதை எடையில் 1-2% பெனோமைல் (அ) பெனோமைல் - டி பயன்படுத்தி விதை பூச்சு செய்ய வேண்டும். அக்ரோசன் ஜிஎன், சிரசன் @ 2 கிராம் செயற்கூறு/கிலோவிதையுடன் விதை நேர்த்தி செய்யவேண்டும். 1% தாமிர கந்தக கரைசல் அல்லது 2.0% ஃபார்மலின் உடன் விதைகளை நனைக்கவேண்டும்.
	பினோமில் - விதை பூச்சு மருந்து	உப்பு நீர் மூலம் சப்பைவிதைகளை நீக்கவும்
மேலே செல்க