தேவையான பயிர்
எண்ணிக்கையை நிர்வாகித்தல்

• பொதுவான இலக்கு: சீரான, பயிர் நிலையை உருவாக்குதல்.
• அதிகமகசூல் பெறுவதற்கு பயிர்நிற்கும் நிலை, வயல் முழுதும் சீராக இருக்க வேண்டும்.
• நாற்றுநடுதல், நல்லபயிர்நிற்கும் நிலையை உருவாக்குகிறது.
• நேரடி விதைப்பு முக்கியமாக நேரடி சேற்று விதைப்பு பிரச்சினைக்குரியது.
• நேரடி விதைப்பாக இருந்தால்,
  

	மிகவும் சீராக நிலத்தை சமப்படுத்துதல் மற்றும் நீர் மேலாண்மை தேவைப்படும்.
	மிகவும் ஆழமாக விதைத்த நாற்றோ/விதையோ சரியாக வெளிப்படாது.  மேலும் வலுக்குறைந்த செடிகளே தோன்றும்.

• ஒரு குத்துக்கு ஒரு நாற்று என்ற அளவில் எக்டருக்கு 7-8 கிலோ விதை தேவைப்படுகிறது.
• பயிர் வளர கடினமாக இருக்கும் இடத்தில் குத்துக்கு 2 நாற்றுகள் என்ற அளவில் எக்டருக்கு 12-15 கிலோ விதை தேவைப்படுகிறது.
• 15 நாட்களான நாற்றுகளை குத்துக்கு 1 அல்லது 2 நாற்றுகள் என்ற எண்ணிக்கையில்  நட வேண்டும்.
• நாற்றங்காலிலிருந்து பிடுங்கிய நாற்றுக்களை பிடுங்கி 30 நிமிடத்தில் வயலில் நடவு செய்திட வேண்டும்.
• சதுர நடவு 22.5 × 22.5 செ.மீ (9 × 9 இன்ச்)

பொதுவாக பயன்படுத்தும் சதுர நடவு முறைகள்

• அடையாளம் வைத்த கயிரை உபயோகித்தல்.
• அடையாளம் இட்ட அலுமினிய பைப்புகளை உபயோகித்தல்.     
• கொக்கி/ஆப்பு கொண்டு அடையாளமாய் வைத்த மூங்கில் பலகையை உபயோகித்தல்.
• அடையாளம் வைத்த மரப்பலகையை பயன்படுத்துதல்.
• உருளை வடிவஅடையாளமிடும் கருவியை பயன்படுத்துதல்.
• நடவு செய்து 7-10 வது நாளில் பயிர்களிடையே ஏற்படும்
• டைவெளி-பாடுவாசியை நிரப்பவேண்டும்.

பெருமழைப் பொழிவு நிலவும் இடங்களில் பயிர் உருவாக்கம் சற்று கடினமாக இருக்கும் – (தமிழ்நாட்டில் வடகிழக்கு பருவமழைக்காலம்)

நாற்றுநடுதல் :

நாற்றுக்களை நாற்றங்காலில் தயார் செய்து பின் நடவு வயலில் நட வேண்டும். சீரானபயிர் நிறுத்தத்திற்கும், களைகட்டுப்பட்டிலும் சரியான நடவு முறை முக்கியமான பங்கு வகிக்கிறது.

• குறுகியகால இரகமாயின் 18-22 நாட்களான நாற்றுக்கள், மத்திய கால ரகமென்றால் 30 நாட்களான நாற்றுக்கள், நீண்டகால இரகமாயின் 35-40 நாட்களான நாற்றுக்களே தக்க வயது  எனக் கொள்ளவும்.

நாற்றங்காலிலிருந்து பிரித்து நடவு செய்யும் முறை:

• தக்க பருவத்தில்- நான்கு இலை நிலையில் நாற்றுக்களை பிரித்து நட வேண்டும்.
• இந்நாற்றுக்கள் அதிக துார்களை உற்பத்தி செய்யும்.  துார் கட்டும் பருவத்தில் சற்றே கவனத்துடன் நீர் பராமரிப்பு, போன்றவற்றை மேற்கொள்ள வேண்டும். நிலம் சமன்படுத்துதல் கவனத்துடன் செய்யப்பட்டிருக்க வேண்டும்.
• ஐந்து இலை, அல்லது அதற்கு மேல் வயது ஆகிவிட்ட நாற்றுக்கள், தேவையான பயிர் வளர்ச்சியைத் தராமல், மகசூல் குறைய வாய்ப்புகள் அதிகமாய் உள்ளது. இதுவே முதிர்ந்த(வயதான)நாற்றுக்கள் எனப்படுகிறது.

வயதான நாற்றுக்களுக்கான மேலாண்மை முறைகள்:

• குறைவான மண்வளம் உள்ள நிலங்களில் பரிந்துரைக்கப்பட்ட பயிர் இடைவெளியில் பயிரிட வேண்டும்.
• ஒன்று அல்லது இரண்டு நாற்றுக்களுக்கு மேல் நடவு செய்யக் கூடாது.  வயதான நாற்றுக்களை கற்றையாக நடவு செய்தால் துார் கட்டுவது சிரமமாகிறது.எனவே இதனை தவிர்க்கவும்.
• பரிந்துரைக்கப்பட்ட அளவைவிட 50 சதவிகிதம் தழைச்சத்தை அடியுரமாக அளிப்பதால் துார்கள் உற்பத்தித்திறன் அதிகமாய் இருக்கும்.

வேரினை நனைத்தல்:
• 40 லிட்டர் தண்ணீரில் 5 பாக்கெட் (1000 கிராம்/எக்டர்) அசோஸ்பைரில்லம் மற்றும் 5 பாக்கெட் பாஸ்போபாக்டிரியா (1000 கிராம்/எக்டர்) அல்லது 10 பாக்கெட் அசோபாஸ் (2000 கிராம்/எக்டர்) கலந்து கரைசலை தயாரிக்கவும்.  இக்கரைசலில் நாற்றுக்களின் வேர் பாகம் நன்கு நனையுமாறு 15-30 நிமிடங்கள் வைத்திருந்து பின் நடவுக்கு பயன்படுத்தவும்.

• இடைவெளி: 20 x 10 செ.மீ (50 குத்துகள்/சதுரமீட்டர்) குத்துக்கு 2-3 நாற்றுக்கள்
• குறுகியகாலஇரகம்: 15 x 10 செ.மீ (67 குத்துகள்/சதுரமீட்டர்)
• துங்கபத்ரா பாசன பரப்புகளில், தாமதமான நிலையில் (ஆகஸ்ட் 15-30) நீண்டகால இரகங்களான சோனா மசூரி போன்ற இரகத்தை நடுவதானால் 45 நாட்களான நாற்றுக்களை தேர்ந்தெடுத்து ஒரு குத்துக்கு 3-4 நாற்றுக்கள் என்ற அளவில் நட வேண்டும்.இவ்வாறு செய்வதினால் அதிகமகசூலைப் பெறலாம்.

• ஒரு குத்துக்கு 2-4 நாற்றுக்கள்
• களர் மண்- குத்துக்கு 4-6 நாற்றுக்கள்

நடவின் ஆழம்:

• களிமண் - 5-6 செ.மீ
• ஆழம் குறைவான மண் - 2.5 - 3.0 செ.மீ
• ஆழம் குறைவான நடவு (3 செ.மீ) வேகமான வளர்ச்சி மற்றும் அதிக துார்களைக் கொடுக்கும்.
• 5செ.மீக்கும் அதிக ஆழமான நடவு,  மெதுவானபயிர் வளர்ச்சி மற்றும் குறைவான துார்களைக் கொடுக்கும்.
  
  
நாற்று நடவு அதிர்ச்சி:
நாற்றங்காலிலிருந்து நாற்றுக்களைப் பிரித்து புதுசூழலில் நடவு செய்யும்போது  ஏற்படுவதே இந்த அதிர்ச்சி.  வெப்பமண்டலத்தில் இந்த அதிர்ச்சியிலிருந்து மீள 5-7 நாட்கள் ஆகும்.
• குறைந்த ஆழத்தில் நடவு செய்வது பயிர்க்கால அளவைக் குறைக்கும்.
• நடவுக்குப்பின் மிதமான வெப்பநிலை இருந்தால் இந்த அதிர்ச்சிகால அளவு குறையும்.
• சூடான மற்றும் குளிரான பருவநிலை அதிர்ச்சி மீட்பினைக் குறைக்கிறது.
• தகுந்த வெப்பநிலை: உச்ச அளவு -- <30° செ குறைந்த அளவு -- >20° செ.
  
  
பாடுவாசி நிரப்புதல்(போக்கு நடவு)

• நடவு செய்து 7-10 நாட்களுக்குள் ஏதேனும் பயிரில்லாமல் சந்து-பாடுவாசி தெரிந்தால் நாற்றுக்களைக் கொண்டு அதனை நிரப்ப வேண்டும்.

• கைவினை நடவு
• இயந்திர நடவு
  
  

    சிறிய நெல் வயல் மற்றும் வேலை ஆட்கள் மிகுதியாக இருக்கும் இடத்தில் கை நடவு ஏற்றது. நில சமன்படுத்துதல் குறைவாக இருக்கும் இடத்தில் மற்றும் வேறுபட்ட நீர் அளவு உள்ள நிலங்களுக்கு கை நடவு ஏற்றது.

கைவினை நடவு செய்யும் முறை:

• விதைத்து 15-30 நாட்களான பிறகு நாற்றுக்களை நாற்றங்காலிலிருந்து பிரித்து நடவு வயலில் நட வேண்டும்.
• திருந்திய பாய் நாற்றங்காலில், விதைத்து 15-20 நாட்களான பிறகு நாற்றுக்களை நடவுக்கு எடுத்துக் கொள்ளலாம். நாற்றுக்களைப் பாயோடு சேர்ந்து எடுத்து நடவு வயலுக்கு மாற்ற வேண்டும்.
• நன்கு சேற்றுழவு செய்து, சமன்படுத்திய வயலில் நாற்றுக்களை உடனே நடவு செய்தல் வேண்டும்.  (பிரித்தெடுத்தவுடன் நடுதலில் தாமதம் ஏற்பட்டால் உயிர் பிடித்தலில் தாமதம்  மற்றும் சில நாற்றுக்கள் இறக்கக் கூட நேரிடலாம்)
• தகுந்த இடைவெளியில் (20 செ.மீ x 20 செ.மீ (அ) 22.5 செ.மீ x 22.5 செ.மீ) ஒரு குத்துக்கு 2-3 நாற்றுக்கள் என்ற அளவில் அதிக ஆழமில்லாமல் நடவு செய்ய வேண்டும்.
• நடவுக்குப்பின் நாற்றுக்கள் விரைவாக உயிர் பிடிக்கவும், வேகமான வளர்ச்சிக்கும் நடும்போது நாற்றுக்களை கவனமாக கையாள வேண்டும்.



குறைபாடுகள்:

• நடவு செய்தல் சற்று சிரமமான மற்றும் அதிக நேரம் செலவாகும் (30 ஆட்கள்/நாள்/எக்டர்) செயல் ஆகும்.
• உச்ச பருவ காலங்களில் போதுமான வேலை ஆட்கள் கிடைக்காமல் குறித்த நேரத்தில் நடுவது சற்று சிரமமாக இருக்கும்.
• நிலப்பரப்பைப் பொருத்து ஒப்பந்த முறையில் குறைந்த பயிர் அடர்வில் நடவு  செய்தல் மகசூல் அளவைக் குறைக்கிறது.
• மானாவாரி நிலங்களில் மழைப் பொழிவிற்கு முன்பே நாற்றுக்கள் (முக்கியமாக நவீன இரகங்கள்) முதுமை அடைந்து விடுவதால் சிரமம் ஏற்படுகிறது.

• இளம் நாற்றுக்களை சேற்றுழவு செய்த மண்ணில் இயந்திரம் மூலம் நடுவதே இயந்திர நடவு.

இயந்திர நடவு செய்யும் முறை: ?


• சிறப்பு பாய் நாற்றங்கால் அல்லது நாற்று தட்டுக்களில் நாற்றுக்களை வளர வைக்க வேண்டும்.  ஒரு எக்டருக்கு, 100 சதுரமீட்டர் அளவு நாற்றங்காலில் போதுமான அளவு  சிறந்த தரம் வாய்ந்த விதைகளை விதைக்க வேண்டும்.
• விதைத்து 12-15 நாட்களில் நாற்றுக்கள் நடவிற்கு தயாராகி விடும்.
• நடவு செய்வதற்கு முன், வயலை நன்கு சேற்றுழவு செய்து சமப்படுத்தியிருக்க வேண்டும்.
• வயலை வடிகட்டி, இறுதி சேற்றுழவிற்கு பின் சேறை 1-2 நாட்களுக்கு அப்படியே விட்டு விட வேண்டும்.
• கீழ்மட்ட மண் போதுமான அளவு கடினமாக இருத்தல் அவசியம். அப்பொழுதுதான் நடவு இயந்திரம் வயலில் நடவு  செய்ய முடியும்.
• சேற்றுழவு செய்தமண்ணில், குச்சி கொண்டு“V” போன்ற சிறு அடையாளம்  உண்டாக்கினால்,அதுஅப்படியேஇருப்பின் மண் நடவிற்கு தயார் நிலையில் உள்ளது என்பதை அறியலாம்.
• இந்த ஈரப்பத நிலையில், மண் நாற்றுக்களை பிடித்துக்கொள்ளும் திறன் பெற்றிருக்கும்.
• மிகவும் உலர் மண்ணாக இருந்தால் நடவு இயந்திரத்தின் சக்கரம் மற்றும் மற்ற பாகங்களில் ஒட்டிக் கொள்ளும்.  எனவே மண் மிகவும் உலர்ந்திருக்கக்கூடாது.
• பாய்நாற்றுக்களை நடவு இயந்திரத்தில் வைத்து அதில் குறிப்பிட்ட அளவு பொருத்தியிருக்கும்படி வைத்து நடவு செய்தல் வேண்டும்.

நன்மைகள்:

• இயந்திர நடவில் கை நடவை விட குறைந்த நேரம் மற்றும் குறைந்த ஆட்களே தேவைப்படுகின்றன. (1-2 எக்டர்/
  1 ஆள்/நாள் ஆனால் கை நடவில் 0.07 எக்டர்/ஆள்/நாள்)
• இயந்திர நடவு மூலம் வேகமாகவும் மற்றும் சிறப்பாகவும் செய்ய முடிகிறது. குறிப்பிட்ட நேரத்தில் நடவு செய்து முடிக்க முடிகிறது.  (1-2 எக்டர்/நாள்)
• அலைச்சல், நெருக்கடி மற்றும் வேலைப்பளுக்களை குறைக்கிறது.
• சீரான இடைவெளி மற்றும் பயிர் எண்ணிக்கை உறுதிபடுத்தப்படுகிறது.
• நாற்றுக்கள் விரைவாக வளர்ந்து, வேகமாக துார்கள் பிடித்து, சீராக முதிர்ச்சியடைகிறது.

குறைபாடுகள்:

• மிகவும் சிறிய நாற்றுக்களாக இருக்கும் போது நடவு செய்ய வேண்டும். எனவே இயந்திர நடவு பாசனப் பரப்புகளுக்கு மட்டுமே நன்கு பொருந்தும்.
• சிறப்பு நாற்றங்கால் மேலாண்மை தேவைப்படுகிறது (பாய்நாற்றங்கால் (அ) தட்டு நாற்றுக்கள்)
• நல்ல நில அமைப்பு, சமன்படுத்துதல் மற்றும் நீர் மேலாண்மை தேவைப்படுகிறது.

• விதையளவு: 60 கிலோ/எக்டர்
  

• சேற்று நாற்றங்காலுக்கு விதைகளை முன்பே முளைக்க வைக்க வேண்டும்.
• உருளை விதைக்கருவியோ அல்லது வீசி விதைத்தல்  மூலமாகவோ மெல்லிய நீர் படலம் இருக்கும் நிலையில் விதைகளை விதைக்க வேண்டும்.
• விதைத்து 14-21 நாட்கள் ஆனபிறகு சந்து நிரப்புதல் அல்லது அதிக பயிர் அடர்த்தியாக இருப்பின் களைத்தல், ஆகியவை செய்ய வேண்டும்.
• இருபயிர் முறையில், நெற்பயிரை பசுந்தாள் உரப்பயிருடன் சேர்த்து பயிரிட்டால், 40 செ.மீ உயரம் வந்தவுடன் அல்லது விதைத்து, 30 நாட்கள் ஆனபிறகு அப்பயிரை உழவு செய்து மண்ணுக்குள் புதைத்து விடவேண்டும்.
• பசுந்தாள் உரம் அளித்த வயலில், ஒரு வாரத்திற்குப் பின் சுழற்களையெடுக்கும் கருவியைக் கொண்டு மண்ணுக்கு காற்றோட்டம் அளிக்க வேண்டும்.

• விதையளவு: பரிந்துரைக்கப்பட்ட இரகத்திற்கு 75 கிலோ/எக்டர் உலர் விதை.
• 1 சதவிகிதம் பொட்டாஷியம் குளோரைடில் 16 மணி நேரத்திற்கு விதையை கடினப்படுத்துதல் (விதை மற்றும் பொட்டாஷியம் குளோரைடு 1:1) வேண்டும். பின் எடுத்து நிழலில் உலர வைக்க வேண்டும். இவ்வாறு செய்வதினால் விதைகளை சேமிக்கும் அளவு ஈரத் தன்மையைப் பெற முடிகிறது. இதனால்  வறட்சி மற்றும் முன் ஈர அழுத்தத்தை தாங்கிக் கொள்ள முடிகிறது.
• விதைக்கும் நாளன்று கடினப் படுத்திய விதைகயுடன் சூடோமோனாஸ் ஃபுளோரசன்ஸ் 10 கிராம்/கிலோ விதை என்ற அளவில் கலக்கி பின் அசோபாஸ் 2000 கிராம் (அல்லது) அசோஸ்பைரில்லம் மற்றும் பாஸ்போபேக்டீரியா 600 கிராம்/எக்டர் என்ற அளவில் கலந்துவிதை நேர்த்தி செய்ய வேண்டும்.
• விதைக்குங் கருவியைப் பயன்படுத்தி, 20 செ.மீ உள்வரிசை இடைவெளி விட்டு, விதைகளை விதைக்க வேண்டும்.
• 3-5 செ.மீஆழம் கொண்டு விதைக்க வேண்டும்.  பின் மேற்பரப்பு மண்ணை சமன்படுத்தும் பலகையைக் கொண்டு சற்று இணக்கப்படுத்த வேண்டும்.
• சீரான முளைப்பிற்கு முன் பருவ விதைப்பே ஏற்றது.
• விதைத்து 14-21 நாட்களுக்குள் சந்து நிரப்புதல் அல்லது பயிர் அடர்த்தியை களைத்தல் ஆகியவை மேற்கொள்ள வேண்டும்.
  

கேரளா:
• விதை அளவு:
  
• வீசி விதைத்தல் 80-100 கிலோ/எக்டர்
• ஊன்றிவிதைத்தல் 80 - 90 கிலோ/எக்டர்

குறிப்பு: குறைந்த அளவு முளைப்புத் திறனாக 80 சதவிகிதம் கிடைக்கும் பகுதிகளில் மேற்கூறிய விதை அளவு தேவைப்படும்.  பொக்காலி சாகுபடியில், வைட்டில்லா இரகத்திற்கு 100 கிலோ/எக்டர் என்ற அளவை, வயலில் அமைக்கப்பட்டுள்ள பாத்திகளில் விதைக்க வேண்டும்.


கர்நாடகா:
வீசி விதைத்தல் :
• விதை அளவு - 100 கிலோ/எக்டர்
• நேரடி விதைப்பு நெல் முறையினால் அதிக மகசூல் பெற வாய்ப்புள்ளது.
• குறைந்த நீர் வசதி கொண்ட பகுதிகளில் நேரடி விதைப்பு முறை சிறந்தது.
• நீர் மற்றும் வேலையாட்கள் பற்றாக்குறை உள்ள இடத்தில் இம்முறை ஏற்றதாக உள்ளது.
• பெரிய அளவிலும் நேரடி நெல் விதைப்பு மேற்கொள்ளலாம்.
  
  
உருளை விதைக்கருவியை பயன்படுத்தி விதைவிதைத்தல்:
• பின்பருவ விதைப்பு நிலைகளில் இக்கருவியை பயன்படுத்த வேண்டும்.  குறிப்பாக ஜூலை மாதத்தில் சேற்றுழவு மேற்கொள்ள போதுமான அளவு மழைப்பொழிவு இருக்கும் நிலையில் விதைக்குக்கருவியை பயன்படுத்தி விதைக்கலாம்.
  முன் முளைப்பு செய்த விதைகளை விதைக்க வேண்டும்.
  விதை அளவு - 40 கிலோ/எக்டர்
  

• குறுகியகால இரகங்களில் 20 நாட்களான நாற்றுக்களை வீசுதல் நல்லது.
• வரிசை நடவு செய்வதை விட ஏறக்குறைய 20 சதவிகிதம் நாற்றுக்கள் அதிகமாக தேவைப்படும் அல்லது முறைமையற்ற நடவில் தேவைப்படும் அளவுக்குச் சமமாக இம்முறைக்கும் தேவைப்படும்.
• நன்கு சேற்றுழவிட்டு சமன்படுத்திய வயலில் நடவு செய்பவர்கள், நாற்றுக்களை வேகம் இல்லாமல் வீசிப் போடுவர்.
• தாளடி அல்லது மிகுந்த மழைப் பருவத்தைத் தவிர அனைத்துப் பருவங்களுக்கும் ஏற்றது.
• வரிசை நடவோடு ஒப்பிடும்போது 50 சதவிகிதம் அளவு ஆட்கள் சேமிப்பும், முறைமையற்ற நடவைவிட 35 சதவிகிதம் அளவு ஆட்கள் சேமிப்புத் திறனும் கொண்டது.
• 7-10 நாட்கள்வரை நாற்று வீசுதல் முறை இருப்பின் வயலில் மெல்லியபடலம் நீர்   இருக்குமாறு (சேற்று நெல் போல்) பாதுகாக்க வேண்டும்.
• மற்ற வளர்ப்பு முறைகள் அனைத்தும் வழக்கமான நடவு வயல் நெல் முறையைப் போன்றது.
• வரிசை நடவு முறையைப் போன்று இம்முறையிலும் சமமான தானியமகசூல் கிட்டும். முறைமையற்ற நடவு முறையைவிட 10-12 சதவிகிதம் அதிக மகசூலைப் பெறலாம்.