இலைச்சேர்க்கும் புழு: நோசினோ ஜீயாமிட்ராலிஸ் 
சேதத்தின் அறிகுறிகள்

• புழுக்கள், இலைகளையும், கிளைகளையும் ஒன்றாக பிணைத்துவிடும்.
• பிணைக்கப்பட்ட இலைகளை அரித்துத் தின்பதால் அவை சல்லடைபோல் ஆகியிருக்கும்.

பூச்சியின் விபரம்

• புழு : பச்சையாகவும், மெல்லிய மயர்கற்றைகளுடனும், மார்புப் பகுதியில் கருப்புக் கோடுகளுடனும் இருக்கும்.
• அந்துப்பூச்சி : இளம் பழுப்பு இறக்கையில் வெள்ளைப்புள்ளிகளுடன் இருக்கும்.

கட்டுப்படுத்தும் முறைகள்

• தாக்கப்பட்ட மொக்குகளை புழுக்களுடன் சேகரித்து அழிக்கவும்.
• விளக்குப்பொறி அமைத்து அந்துப்பூச்சிகளைக் கவர்ந்து அழிக்கலாம்.
• வேப்பங்கொட்டை வடிநீர் 5 சதம் தெளிக்கலாம்.
• 1 லிட்டர் தண்ணீரில் 2 மிலி மாலத்தியான் கலந்து தெளிக்கலாம்.
• செடிகளை சீரான கவாத்து செய்து, தோட்டத்தை சுத்தமாக வைத்துக் கொள்ளவும்.