பிணைக்கும் புழு: எலாஸ்மோபால்பஸ் ஜாஸ்மினோஃபேகஸ்
சேதத்தின் அறிகுறிகள்

• புழு பூ மொக்குகளைத் துளைத்து சேதப்படுத்தும்.
• இளந்துளிர்களும், பூ மொக்குகளும் சேர்ந்து பின்னப்பட்டிருக்கும்.
• மேலும் புழுக்களின் கழிவுப்பொருள்களும் அவற்றின் மேல் இருக்கும்.

பூச்சியின் விபரம்

• புழு : பச்சை நிறமாகவும், சிவப்புத் தலையுடன் உடலின் பக்கவாட்டில் பழுப்பு நிறக்கோடுகளுடன் இருக்கும்.
• அந்துப்பூச்சி : சிறியதாகவும், சாம்பல் நிறத்துடனும் இருக்கும்.

கட்டுப்படுத்தும் முறைகள்

• தாக்கப்பட்ட மொக்குகளை புழுக்களுடன் சேகரித்து அழிக்கவும்.
• விளக்குப்பொறி அமைத்து அந்துப்பூச்சிகளைக் கவர்ந்து அழிக்கலாம்.
• வேப்பங்கொட்டை வடிநீர் 5 சதம் தெளிக்கலாம்.
• 1 லிட்டர் தண்ணீரில் 2 மிலி மாலத்தியான் கலந்து தெளிக்கலாம்.
• செடிகளை சீரான கவாத்து செய்து, தோட்டத்தை சுத்தமாக வைத்துக் கொள்ளவும்.