இந்த செயல்முறையானது கொல்கத்தாவிலுள்ள நவீன கணினி வளர்ச்சி மையம் (Centre for Development and Advanced Computing, C-DAC (Kolkata), மற்றும் கோவை வேளாண்பல்கலைக் கழகத்தில் உள்ள மலரியல் மற்றும் நிழ எழிலூட்டும் துறையில் உள்ள விஞ்ஞானிகளின் கூட்டு முயற்சியால் 2013-2014-ல் ஆரம்பிக்கப்பட்டது. இந்த ஆய்விற்கு உட்படுத்தப்பட்ட மல்லிகை மலர் மாதிரிகளானது அதன் முக்கிய வகையான ஜாஸ்மின் சம்பக்(குண்டுமல்லி) பயன்படுத்தப்பட்டது. ஆராய்ச்சி காலம் முழுவதும் தேர்ந்தெடுக்கப்பட்ட மல்லிகை செடிகளிலிருந்து அதிகாலை சுமார் 5 முதல் 6 மணியளவில் மலர்கள் களத்திலிருந்து சேகரிக்கப்பட்டு ஆய்விற்கு உட்படுத்தப்பட்டது. மலர் மொட்டின் வெளித்தோற்றத்தின் அடிப்படையில் அறுவடை நிலையானது (Harvesting stage) வகைப்படுத்தப்படுகிறது.

ஒவ்வொரு அறுவடை நிலையின் போதும் அதன் நறுமணக்குறியீடு, எத்திலின் வெளியேறும் வீதம் (Ethylene emission rate) மற்றும் மலரின் சுவாச வீதம் (Respiraton rate) போன்றவை மின்னணு நுகரும் கருவியின் உதவியுடன் கண்காணிக்கப்படுகிறது.(காலை முதல் அந்திப்பொழுது வரை). இந்த ஆய்வினால் குண்டு மல்லிகையில் அறுவடை செய்வதற்கு உகந்த நேரம் மற்றும் அறுவடை செய்தபின் வாசனை மெழுகை பிரித்தெடுப்பதற்கு தகுந்த நேரத்தைத் துல்லியமாக அறிந்து கொள்ள முடிகிறது. இதன்மூலம் தரமான மலர்களை உள்நாடு மற்றும் வெளிநாடு சந்தைகளுக்கு அனுப்ப வழிவகை செய்யப்படுகிறது.