| மீலியா துபியா (Melia dubia) (மலை வேம்பு) மீலியேசியே (Meliaceae) குடும்ப வகையை சேர்ந்ததாகும். இதன் பழங்குடி இனங்கள் இந்தியா, தென் கிழக்கு ஆசியா, ஆஸ்திரேலியாவில் உள்ளது. இவை விறகிற்காக சாகுபடி செய்யப்படுகின்றது . மீலியா துபியா வேகமாக வளர்ந்து வரும் மர இனங்களில் ஒன்று. மேலும் இது மகாநீம் அல்லது மலை வேம்பு என அழைக்கப்படுகிறது மற்றும் நடவிலிருந்து 6-7 ஆண்டுகளில் அறுவடை செய்ய தயாராகும். இந்த மரத்திற்கு, பிளைவுட் மற்றும் காகித தொழிற்சாலைகளில் நல்ல தேவை உள்ளது.
இம்மரம் 20 மீ உயரம், 9 மீட்டர் நீளம், மற்றும் 1.2 - 1.5 மீ சுற்றளவு கொண்டது. பட்டை அடர் பழுப்பு நிறமுடன், ஆழமற்ற, மெல்லிய, குறுகலான விரிசல் கீற்றுகள் கொண்டது. இலைகள் இரு வரிகளுடயவை. மலர்கள் மணமான, பச்சை கலந்த வெள்ளை நிறமுடையது, பழங்கள் முட்டை அல்லது நீள்வட்ட வடிவத்த்தில் 5 அல்லது குறைவான விதைகளை கொண்டிருக்கும்.
பரவல்
இது வெப்ப மண்டல ஈர இலையுதிர்க் காடுகளில் காணப்படுகிறது. சிக்கிம் இமயமலை, வட வங்காளம் மற்றும் அசாம், ஒரிசாவின் காஸி மலைகள், டெக்கான் மற்றும் மேற்குத் தொடர்ச்சி மலைகளில் 1,500 - 1,800 மீ உயரத்திலும் இம்மரங்கள் உள்ளன.
சுற்றுச்சூழல் தேவைகள்
இது எல்லா மண் வகைகளிலும் வளரும். வளமான மணல், களிமண் வகைகளில் சிறந்த வளர்ச்சி காட்டுகிறது. நாற்றுகள் குறைவான உறைபனியை தாங்கி வளரும். தண்ணீர் தேங்கியுள்ள இடங்களில் மரங்கள் வளர்வதில்லை. |
