ஆந்தரக்னோஸ்: கொலிடோடிரைகம் டெபகம்
அறிகுறிகள்

• முதலில் அடி இலைகளில் இலேசான வெளிர் - பழுப்பு நிறமுடைய வட்டவடிவப் புள்ளிகள் தோன்றுகின்றன. இப்புள்ளியின் மத்தியப்பகுதி சற்று அமிழ்ந்து காணப்படுகிறது. இப்புள்ளிகள் ஓரங்கள் சற்று உயர்ந்த காணப்படுகிறது.
• இச்சிறிய இலைப்புள்ளிகள் வெள்ளை நிறத்தைக் கொண்டும் பின்னர் இறந்த செல்களைக் கொண்ட பெரிய புள்ளிகளாக மாறுகின்றது.
• தொடர்ந்து வானிலை மோசமாக இருக்கும் போது கரும்பழுப்பு நிறமுடைய கோடுகள் இலையின் மத்திய நரம்புப்பகுதியில் உருவாகிறது. முதலில் பாதிக்கப்பட்ட செடியிலிருந்து வித்துக்கள் அடுத்த பருவப் பயிர்களுக்கு கடத்தப்படுகின்றன.
• இந்நோய்க் காரணி விதையிலிருந்து பரவுவதில்லை மண்ணில் வித்துக்கள் பரவி செடியில் தங்கி இருக்கின்றன.

கட்டுப்பாடு

• மேடான இடத்தில் நாற்றாங்காலும் மற்றும் பண்ணைக் கழிவுகளை பயன்படுத்தவதாலும் இந்நோய் குறைகிறது.
• பாதிக்கப்பட்ட செடிகளை கலைந்தெறிவதன் மூலம் நோயின் அளவைக் குறைக்கலாம்.
• மேங்கோசெப் 0.2 சதவிகிதம் என்ற அளவில் தெளிப்பதன் மூலம் இந்நோயின் அளவைக் குறைக்கலாம்.