தவேப வேளாண் இணைய தளம் :: பயிர் பாதுகாப்பு

பயிர் பாதுகாப்பு :: சர்க்கரைவள்ளி பயிரைத் தாக்கும் பூச்சிகள்

கிழங்கு கூண் வண்டு : சைலஸ ்ஃபார்க்கேரியஸ்
தாக்குதலின் அறிகுறிகள்:

கொடிகள் வீக்கமடைந்தும், உருக்குலைந்தும் இருக்கும். சிலநேரங்களில் கொடிகளில் வெடிப்புகள் காணப்படும்.
தாக்கப்பட்ட கொடிகள், நிறமாறியும், வெடிப்புகளும் இருக்கும் மேலும் வாடியும் காணப்படும்.
தாக்கப்பட்ட கிழங்குகளில் குழிகளும், துளைகளும் கொண்டிருக்கும்.
தாக்கப்பட்ட கிழங்குகள் நுரைப்பஞ்சு போன்றும், கரும்பழுப்பு நிறத்திலும் தோற்றமளிக்கும்.
தாக்கப்பட்ட கிழங்குகள் மேற்பகுதியிலிருந்து அழுக ஆரம்பிக்கும். மேலும் துர்நாற்றத்தையும் கசப்பான சுவையும் உருவாக்கும்.

பூச்சியின் விபரம்:

முட்டை: மஞ்சள் கலந்த வெண்ணிற, நீர்வட்ட வடிவில் இருக்கும். கொடி மற்றும் வேர்களில் சிறு குழியை ஏற்படுத்தி அதனுள் முட்டையிட்டு மேற்படுகுதியை தாய் வண்டின் கழிவுகளால் மூடி விடும்.
புழு: வெண்ணிற கால்களற்ற பழுப்பு நிறத்தலையுடன் உடைய வண்டினப்புழு.
கூட்டுப்புழு: வெண்ணிறத்தில் கொடிகளின் துளைகளில் இருக்கும்.
வண்டு: வண்டு எறும்பைப் போல் உடல் சிறுத்து நீளமாக கூர்மையான மூக்குடன், கருநிற தலையும், கருஞ்சிவப்பு உடலும் கொண்டிருக்கும்.

கட்டுப்படுத்தும் முறை:

பயிர் சுழற்ச்சிக்கு நெல்லை பயிரிட வேண்டும்
பூச்சிகளற்ற கொடிகளை நடவுக்கு தேர்வு செய்ய வேண்டும்
முதிர்ச்சியடைந்த செடிகளை உடனடியாக அறுவடை செய்ய வேண்டும்
மண்ணில் வெடிப்புகள் ஏற்படாமல் பார்த்துக் கொள்ளவும்
அறுவடை செய்து 48 மணிநேரம் கழித்து பரவல் நீர்பாய்சனம் மூலம் நீர்பாய்ச்சி வயலில் மீதமுள்ள செடிகளை அழுகச் செய்தும், வண்டுகளை மூழ்கடித்தும், வண்டுகளின் எண்ணிக்கை குறைக்கலாம்
மாற்று உணவுப்பயிர்களான சர்க்கரை வள்ளி குடும்பத்தைச் சேர்ந்த (Ipomea sp) செடிகளை அகற்ற வேண்டும்
நடவுக்கொடிகளை பெனிட்டோரோதையான் 50 EC @2 மி.லி/லி நீர்கலவையில் நனைத்து நட வேண்டும்
ஹெக்டேருக்கு 3 டன் யுப்டோரியம்இலைகளை நிலப்போர்வையாக நட்ட 30 நாட்கள் கழித்து போட வேண்டும்
நட்ட 50வது மற்றும் 80வது நாட்களில் சர்க்கரை வள்ளிக்கிழங்கை சிறு துண்டுகளாக வெட்டி ஆங்காங்கு வயலில் போட்டு வைத்து அதற்கு கவரப்படும் வண்டுகளை சேகரித்து அழிக்கலாம்
விளக்குப்பொறி வைத்து வண்டுகளை கவர்ந்து அழிக்கலாம்
விளக்கு பொறிகளை 5 மிட்டர் இடைவெளியில் வயலில் மாலை 4 மணியளவில் வைத்து விட.பிறகு அடுத்த நாள் காலையில் பொறியில் விழுந்துளள் வண்டுகளை சேகரித்து அழிக்கலாம்
நட்ட 50வது நாள் கொடிகளுக்கு மண் அனைக்க வேண்டும்