அல்டர்னேரியா கருகல் : அல்டர்னேரியா ஹீலியன்தி

• இந்நோய் பயிர் செய்யப்படும் எல்லா இடங்களிலும் பரவியுள்ளது.
• விதை மற்றும் எண்ணெய் மகசூலை பாதிக்கிறது.

அறிகுறிகள்

• இலைகளில் அடர் பழுப்பு அல்லது கருப்பு நிறத்தில் வட்ட வடிவ புள்ளிகள் தோன்றுகின்றன.
• இப்புள்ளிகளைச் சுற்றி செல்கள் இறந்து காணப்படும். வட்ட வடிவ வளையம் போன்ற கோடுகளும் மத்திய வெண்மையான பகுதியும் இருக்கும்.
• புள்ளிகள் முதலில் அடி இலைகளிலும், பின்னர் மேல் மற்றும் மத்திய இலைகளிலும் பரவிக் காணப்படும்.
• பின்னர் இப்புள்ளிகள் இலைக்காம்புகளிலும் தண்டு மற்றும் பூக்களின் பாகங்களிலும் பரவிக் காணப்படும்.

கட்டுப்பாடு

• விதைக்கப்படும் பருவக்காலத்தைப் பொறுத்து நோயின் நிலை மாறுபடும்.
• செப்டம்பர் மாத இடையில் விதைத்தால் இந்நோயின் தாக்குதிலிருந்து விடுபடலாம்.
• மேங்கோசெப் 0.3 சதவிகிதம், 4 முறை 10 நாட்கள் இடைவெளியில் தெளிக்கவேண்டும்.