• கரும்பில் துரு நோய் இலைகளைத் தாக்கும் முக்கிய நோய்
• இலையின் இருபுறங்களிலும் மஞ்சள் அல்லது பழுப்பு நிற சிறிய கொப்புளங்கள் போன்ற புள்ளிகள் காணப்படும்.
• இப்புள்ளிகள் ஒன்று சேர்ந்து பெரிதாகும்போது சோகைகளில் ஆரஞ்சு பழுப்பு அல்லது செம்பழுப்பு நிறத்தில் தோன்றும்.
• இந்நோயினை தோற்றுவிக்கும் வித்துகள் இலையின் அடிப்பக்கம் தங்கி இருந்து உற்பத்தியாகும்.
• இளம் இலைகள் காய்ந்து உதிர்ந்து விடும்.

• யுரிடினியா நீண்டு, செம்பழுப்பு நிறம் கொண்டிருக்கும்.  இதன் பாராபைசஸ் வெளிர் பழுப்பு நிறம் முதல் நிறமற்றதாகவும், தலை வடிவிலும் (கேப்பிடேட்) இருக்கும்.
• யுரினியோவித்துகள் தடித்த சுவர் கொண்டு, ஆரஞ்சுப் பழுப்பு நிறத்தில் 26-34 x 16-20 மைக்ரான் மீ அளவுடையவை.  யுரிடினியோ வித்துக்களின் மேற்பகுதி 4-5 மத்திய ரேகைத் துளைகளுடன் எக்கினுலேட் ஆகும்.
• டீலியோஸ்போர்கள் (வித்துகள்) அடர் பழுப்பு நிறமும் 30-43 x 17-23 மைக்ரான் மீ அளவும், செப்டத்தில் சுருங்கியும்,  இரு செல்லுடனும் அமைந்துள்ளன.

கட்டுப்படுத்தும் முறை:

உழவியல் முறைகள்:

• பாதிக்கப்பட்ட இலைகளை உடனே அகற்றி எறித்துவிட வேண்டும்.
• ஆலைகளின் கழிவுகளை வயல்களில் இடும்போது, இந்நோய் பரவ அதிக வாய்ப்புள்ளது.எனவே அவற்றை பயன்படுத்தகூடாது
• இந்நோயை கட்டுப்படுத்த ஒரே வழி துரு நோய் எதிர்ப்பு இரகங்களை பயிரிடலாம்.
• கோ 91010 (தனுஷ்), கோ 87025 (கல்யாணி) போன்ற எதிர்ப்பு இரகங்கள் பயிரிடலாம்.

வேதியியல் முறைகள்:

• டிரைடிமார்ப் 1 லி அல்லது மேன்கோஷெப் 2.0 கி.கி/ஹெக்டர் என்ற அளவு தெளிக்கலாம்.
•  டயத்தேன் எம் 45 2 கி/லி மருந்தினை ஒரு முறை தெளிக்கவும்.
• டிரையஸோல் அல்லது ஸ்டிரோபிலியூரின் அல்லது பைரகுளோஸ்டிரோபின் பூஞ்சானக் கரைசலை 1 லி நீரில் 3 கி என்ற அளவில் தெளிக்கவும்.