• 5-லிருந்து 6 மாத கால வயதுடைய பயிரினை இந்நோய் அதிகம் தாக்குகின்றது. குறிப்பாக  கணுவிடைப் பகுதிகள் சுருங்கி வளர்ச்சி குன்றும்.
• இலைகளின் நடுநரம்பு மஞ்சள் நிறமாக மாறி அதனை ஒட்டி உள்ள பகுதியிலும் பரவிக் காணப்படும்
• சில சமயங்களில் நடுநரம்பு சிவப்பு நிறமாக மாறி காணப்படும்
• இதனைத் தெடர்ந்து 3 முதல் 5 இலைகள் பழுப்படைந்து ்.
• சில சமயம், நோய்த் தாக்குதல் அதிகமான நிலையில் கரும்பின் உச்சியில் முடிக்கொத்து போல் காட்சியளிக்கும்.
• முதிர்ந்த கரும்புகளில்தான் இந்நோய் அதிகம் பரவும். துாரத்திலிருந்து பார்க்கும்போதே இந்நோயினை காணலாம்.

நோய்க்காரணி:

• இந்நோய் தாக்கும் வைரஸ் மெலனாபிஸ் சச்சாரி, ரோபலோசிபம் மெய்டிஸ் எனும் அசுவினிகளால் பரவுகிறது.
• (SCYLV) எஸ்.சி.ஒய்.எல்.வி என்பது ஸியூட்டேவிரிடே குடும்பத்தைச் சார்ந்தது.  இவ்வைரஸ் பயிரின் போலியம் செல்களுக்குள் வாழ்கின்றது.

கட்டுப்படுத்தும் முறை:

உழவியல் முறைகள்:

• நாற்றங்கால் அமைத்துப் பின் நாற்றுக் கரணைகளை வயலில் நடுவதன் மூலம் இந்நோய் தாக்குதலைத் தவிர்க்கலாம்.
• திசு வளர்ப்பு முறையில் வளர் திசுக்களிலிருந்து பெறப்படும் நாற்றுகளை நடுவது சிறந்தது.
• ஆரோக்கியமான விதைக்காரணிகளைப் பயன்படுத்தவும்.
• வயல்களை சுத்தமாக பராமரித்தல் வேண்டும்.
• சரியான ஊட்டச்சத்துக்கள் கிடைக்குமாறு தேவையான நீர் மற்றும் உர நிர்வாகம் செய்தால் இந்நோயினைப் பெருமளவு குறைக்கலாம்.

வேதியியல் முறை

• கார்போஃபியூரான் 2 கி.கி அல்லது போரேட் 6 கி.கி/ஹெ என்ற அளவில் மண்ணில் இடவும்.
• மாலத்தியான் 1.5 கி.கி/ஹெ மருந்தினை செப்டம்பர் மற்றும் அக்டோபரில் சோகை உரித்தப்பின் இருமுறை தெளிக்கவும்.
• மாலத்தியான் (0.1%) அல்லது டெமக்ரான் (0.2%) தெளிப்பதன் மூலமும் இந்நோய் மேலும் பரவுவதைத் தடுக்கலாம்.