அறிகுறிகள்

• நோயுற்ற செடியின் தண்டுப்பகுதியில் வெள்ளி பூசியது போன்ற வெண்மையான பூசண வளர்ச்சியைக் காணலாம்.
• இவ்வளர்ச்சியில் எண்ணற்ற மிகச்சிறிய கரும்புள்ளிகள் பதிந்திருப்பதைக் கூர்ந்து நோக்கின் மிகத் தெளிவாகக் காணலாம்.
• இந்நோய் வருடம் முழுவதும் தோன்றிய போதிலும் வறட்சி காலங்களில் மிகுதியாகக் காணப்படுகிறது. இளம் நாற்றுப் பயிர்களிலும் இலைகளிலும் அறிகுறி காணப்படுகிறது. நோயறற செடியைப் பிடுங்கிப் பார்த்தால் இதன் வேர்கள் அழுகியிருப்பதைக் காணலாம்.
• நீர் பாயும் கோடைக்காலப்பயிர் பயிரிடாத பருவத்தில் இந்நோய் அதிகமாகவும், இப்பயிரை பயிரிடப்படும் பருவ காலத்தில் இந்நோய் குறைந்தும் காணப்படும்.
• பூத்தபின்பு நோய் தோன்றியிருப்பின் காய்களில் குறைந்த எண்ணிக்கையில் பயறுகள் இருப்பதையோ அல்லது மிகச்சிறிய முற்றாத சுருங்கிய பயறுகள் இருப்பதையோ காணலாம்.

• முந்திய பயிரின் கழிவுகள் ஆழமாகப் புதைக்கப்பட்டு மக்கச்செய்தால் தோன்றுவது குறையும்.
• விதையை டி. விரிடி 4 கிராம் / கிலோ அல்லது கார்பன்டாசிம் 2 கிராம் / கிலோ அல்லது சூடோமோனாஸ் ப்ளூரசன்ஸ் 4 கிராம் / கிலோ என்ற அளவில் நேர்த்தி செய்தால் நோயின் தாக்கத்தை குறைக்கலாம்.