தாக்குதலின் அறிகுறிகள்:

• புழுக்கள் வளரும் தூர்களை தாக்குகிறது
• புழுக்கள் தூர்களை துளைத்து உட்சென்று வளரும் பகுதியை உண்கிறது
• தாக்கப்பட்ட தூர்களில் நெற்கதிர் வராது, மேலும் வளர்ச்சிக்குன்றி காணப்படும்
• தாக்கப்பட்டத் தூர்கள் வெங்காய இலை போல் அல்லது வெள்ளிதண்டு போல் காட்சியளிக்கும்

பூச்சியின் விபரம்:

• முட்டை: இந்த ஈயானது நீளமான, உருளை வடிவத்தில், பளப்பளப்பான வெள்ளை அல்லது சிவப்பு அல்லது இளஞ்சிவப்பு நிற முட்டைகளை இலைகளின் அடிப்பகுதியில் தனியாகவோ அல்லது கூட்டமாகவோ (26) இடும்.
• புழு: புழு 1 மி.மீ நீளமுடன் முன் பகுதியில் கூர்மையாக இருக்கும். இவை இலையுறையின் கீழே ஊர்ந்து சென்று, வளரும் மொட்டுக்குள் நுழைகிறது. அவை உண்ட இடத்தைச் சுற்றி ஒரு முட்டைவடிவ உள்ளிடம் உருவாகும்.
• கூட்டுப்புழு: கூட்டுப்புழு வெளிவரும் போது அதன் உணர்கொம்புகள் மூலமாக குழலினைச் சுற்றி, வெள்ளித் தண்டின் நுனிப்பகுதிக்கு சென்று, அதனுடைய பின் பகுதி மட்டும் வெளியே தள்ளிக்கொண்டு நிற்கும்.
• முதிர் பூச்சி: மஞ்சள் கலந்த பழுப்பு நிறத்தில், கொசு போன்று சிறியதாக காணப்படும். ஆண் ஈக்கள் சாம்பல் நிறமாக இருக்கும். இலையிலுள்ள பனித்துளிகளை உட்கொள்ளும்.

கட்டுப்படுத்தும் முறை:
பொருளாதார சேத நிலை அளவு: 10 சதவிகித வெள்ளித்தண்டுகள் (அ) வெங்காய இலைகள்

• புழு ஒட்டுண்ணியான பிளாட்டிகேஸ்டர் ஒரைசேவை 1/10 m2 பயன்படுத்தி ஆணைக்கொம்பன் தாக்குதலைத் தவிர்க்கலாம்.
• முன்கூட்டிய நிலத்தை உழுதல் வேண்டும்
• அறுவடை செய்த பின் நிலத்தை உடனடியாக உழ வேண்டும்
• பூச்சி உண்ணக்கூடிய மாற்றுவகைப் பயிர்களை அகற்ற வேண்டும்
• தழைச்சத்து உரங்களை பரிந்துரை செய்யப்பட்ட அளவு மட்டும் பயன்படுத்த வேண்டும்
• புற ஊதா விளக்குப் பொறி வைத்து பூச்சிகளை கவர்ந்து அழிக்கலாம்
• பின்வரும் ஏதேனும் ஒரு பூச்சிக்கெள்ளியை தெளிக்கவும்
  • பாசலான் 35 EC 1500 மி.லி /ஹெக்டேர்
  • கார்போசல்பான் 25% EC 800-1000 மி.லி /ஹெக்டேர்
  • குளோரோபைரிபாஸ் 20% EC 1250 மி.லி /ஹெக்டேர்
  • பைப்ரினில் 5% EC 1000-1500 மி.லி /ஹெக்டேர்
  • பைப்ரினில் 0.3% GR 16670-25000 மி.லி /ஹெக்டேர்
  • தையமித்தக்சாம் 25% WG 100கி/ஹெக்டேர்