நோய்க் காரணி:

• ரைசோக்டோனியா சொலானி (பூசண நோய்)
• இந்நோய் மண்மூலம் பரவக் கூடியது ஆகும்.
• பொதுவாக இப்பூசணம் நீண்ட உயிரணுக்களுடைய தடுப்பற்ற பூசண இழையை உருவாக்குகிறது. இவை இளமையாக இருக்கும்போது நிறமில்லாமலும், பின் முதிர்ச்சி நிலையில் மஞ்சளான பழுப்பு நிறமுடனும் காணப்படும்.
• இப்பூசணம் அதிக அளவிலான உருளைவடிவ இழை முடிச்சுகளை உருவாக்குகிறது. இவை முதலில் வெண்மையாகவும், பின் பழுப்பு நிறம் அல்லது ஊதா நிற பழுப்பாகவும் மாறிவிடும்.
• மூன்று வகையான பூசண இழைகளை உருவாக்குகிறது. கொடி பூசண இழை, கதுப்புடைய பூசண இழை மற்றும் மணி மாலை வடிவமான உயிரணுக்கள் இழை முடிச்சுகள் நன்கு நெருக்கமான பூசண இழைகளைக் கொண்டிருக்கும். அவை ஒழுங்கற்ற, அரைக்கோளமாக அடிப்பகுதி தட்டையாகவும் இளமையில் வெண்மை நிறத்துடனும் பின் முதிர்ச்சியடையும்போது பழுப்பு நிறம் அல்லது கரும்பழுப்பு நிறமாக மாறிவிடும். ஒரு தேனி இழை முடிச்சு 1-6 மிமீ வட்ட குறுக்களவு கொண்டிருக்கும். இவை ஒன்றன் பின் ஒன்றாகக் கூடி பெரிய வடிவமாக மாறிவிடும்.

கட்டுப்பாடு:

• தொழு உரம் 12.5 டன்/எக்டர் அல்லது பசுந்தாள் உரம் 6.25 டன்/எக்டர் அல்லது வெப்பம்புண்ணாக்கு 150 கிலோ//எக்டர் என்ற அளவில் அளிக்க வேண்டும்.
• அதிக அளவு உரங்கள் அளிப்பதை தவிர்க்க வேண்டும்.
• உகந்த பயிர் இடைவெளியை பின்பற்ற வேண்டும்.
• மாற்று களைச்செடிகளை அழிக்க வேண்டும். இயற்கை சீர்திருத்திகளை அளிக்க வேண்டும். நோய் தாக்கப்பட்ட வயலிலிருந்து மற்ற ஆரோக்கியமுள்ள வயல்களுக்கு நீர் வழிந்தோடுவதை தடுக்க வேண்டும்.
• கோடைக்காலத்தில் வயலை ஆழமாய் உழுதல் மற்றும் பயிர்த்துார்களை எரித்தல்.
• வேப்பெண்ணெய் 3% (15 லிட்டர்/எக்டர்) நோய் தாக்கிய ஆரம்ப நிலையில் தெளிக்கவும்

• சூடோமோனாஸ் ஃபுளுரோசன்ஸ் @ 10 கிலோ/கிலோ விதையுடன் விதை நேர்த்தி செய்ய வேண்டும். 25 சதுர மீட்டர் பரப்பு உள்ள நாற்றங்காலில் 2.5 செ.மீ ஆழம் வரை நீர் தேக்கி வைக்க வேண்டும். இந்த தேங்கிய நீரில் 2.5 கிலோ சூடோமோனாஸ் ஃபுளோரசன்ஸ்பொடியைத் தூவி நன்கு கலக்க வேண்டும். நாற்றுக்களின் வேர்களை, இதில் 30 நிமிடங்கள் ஊற வைத்து பின் நடவு செய்ய வேண்டும்.

• மண் வழியில் உரமாக சூடோமோனாஸ் ஃபுளுரோசன்ஸ் @ 2.5 கிலோ/எக்டர் அளவை நடவு செய்து 30 நாட்களுக்குப் பிறகு அளிக்க வேண்டும். (இதனை 50 கிலோ தொழு உரம்/மணலுடன் கலந்து அளிக்க வேண்டும்).
• திரவ சூடோமோனாஸ் ஃபுளோரசன்ஸ்10மி.லி./கிலோ விதைக்கு விதை நேர்த்தி செய்யவும்.
• நடவு செய்து 45 நாட்களிலிருந்து 10 நாட்கள் இடைவெளியில் மொத்தம் மூன்று முறை நோயின் தீவிரத்தைப் பொருத்து இலைவழி அளிப்பாக சூடோமோனாஸ் ஃபுளுரோசன்ஸ் (0.2 %செறிவுடன்) தெளிக்க வேண்டும்.

• இலைவழி அளிப்பு பூசணக்கொல்லிகளைப் பயன்படுத்தி இலைக்கருகல் நோயைக் கட்டுப்படுத்தலாம்.
• கார்பென்டசிம் (500 கிராம்/எக்டர்) அல்லது அசொஸ்டிராபின் 500 மி.லி./எக்டர் ஆகியவற்றையும் அளிக்கலாம் அல்லது ஹெக்ஸகோனசால் 500 மில்லிகிராம்/லிட்டர் தண்ணீருடன் நோய் தென்பட்டவுடன் மற்றும் 15 நாட்களுக்குப்பின் ஒரு முறையும் தெளிக்கவும்.
• பூசணக்கொல்லிகளான பெனோமைல் அல்லது இப்ரோடியோன் மற்றும் உயிர் எதிர்ப்புப் பொருள்களான வேலிடாமைசின் அல்லது பாலிஆக்ஸின் ஆகியவற்றை தெளிக்கலாம்.
• கார்பென்டசீம் 250 கிராம் அல்லது குலோரோத்தலோனில் 1 கிலோ தெளிக்கலாம்.