பூசணி இலைப்புழு: டயஃபேனியா இண்டிகா
சேதத்தின் அறிகுறிகள்:

• இளம் புழுக்கள் பச்சையத்தை சுரண்டி தின்று சேதப்படுத்தும்
• இலைகளை சுருட்டி மெல்லிய நூலாம்படையில் இருந்துக் கொண்டு சாப்பிடும்.
• பூக்களை சாப்பிட்டு சேதப்படுத்தும் மேலும் காய்களில் துளையிட்டு சேதப்படுத்தும்.

பூச்சியின் விபரம்:

• முட்டை : இலையின் அடிப்பகுதியில் தனியாகவோ அல்லது குழுக்களாகவோ முட்டையிடும்.
• புழு : பச்சை நிறத்தில் இருக்கும், உடலின் மேற்பகுதியில் இரண்டு வெண்ணிறக்கோடுகள் இருக்கும்.
• கூட்டுப்புழு : இலைகளில் பட்டுக்கூட்டினில் கூட்டுப்புழு பருவத்திற்கு செல்லும்.
• பூச்சி : வெண்ணிற இறக்கையின் ஓரங்களில் பழுப்பு நிறப்பட்டைகள் காணப்படும். தாய் அந்துப்பூச்சியின் உடலின் முடிவில் ஆரஞ்சு நிற முடிக்கற்றையுடன் இருக்கும்.

கட்டுப்படுத்தும் முறைகள்:

• புழுக்களை சேகரித்து அழிக்கவும்.
• பின்வரும் ஏதேனும் ஒரு பூச்சிக்கொல்லியை தெளிக்கவும் :
  • மாலத்தியான் @ 500 மி.லி / ஹெக்டேர்
  • டைமெத்தோயேட் @ 500 மி.லி / ஹெக்டேர்
  • மிதைல் டெமிட்டான் @ 500 மி.லி / ஹெக்டேர்