| பயிர் பாதுகாப்பு :: கரும்பு பயிரைத் தாக்கும் பூச்சிகள் |
|
இளங்குருத்துப் புழு: சைலோ இன்பஸ்கேட்டுலஸ்
|
தாக்குதலின் அறிகுறிகள்:
- 1-3 மாத வயதுடைய பயிர்களை இப்பூச்சி அதிகமாகத் தாக்கும்.
- புழுக்கள் தோகை சேரும் இடத்தில் உள்ள இளந்தண்டுகளை துளைத்து உள்ளே சென்று திண்பதால் நடுக்குருத்து காய்ந்து விடும் இதனை. இழுத்தால் எளிதில் வந்துவிடும்.
- காய்ந்த குருத்திலிருந்து துர்நாற்றம் வீசும்.
- நிலமட்டத்திற்கு மேலே பல சிறு துளைகள் குருத்தில் காணப்படும்.
|
| |
 |
|
 |
|
 |
| |
நடுக்குருத்து காய்தல் |
|
துளைகள் |
|
அழுகிய திசு |
|
பூச்சியின் விபரம்:
- முட்டை:அளவுகோல் போன்று முட்டைகள் 3-5 வரிசைகளாக 4-100 முட்டைகள் கூட்டமாகக் சோகையின் அடிப்புறத்தில் காணப்படும். இக்கூட்டங்கள் டைல்ஸ்கள் போன்று ஒன்றன் மேல் ஒன்றாக அமைந்திருக்கும். இது 4-6 நாட்களில் பொரித்து புழுக்கள் வெளிவரும்.
- இளம்புழு: இது பழுப்பு கலந்த வெண்மை நிறத்தில் 5 ஊதா நிறக் கோடுகளுடன் காணப்படும். தலை அடர் பழுப்பு நிறத்துடனும் 16-30 நாட்கள் வாழ் நாட்களும் கொண்டது.
- கூட்டுப்புழு: கூட்டுக்குள் செல்லு முன் புழுவானது பயிரின் தண்டில் ஒரு பெரிய துளையிட்டு அதனை பட்டு நுால் கொண்டு மூடிவிடும். பின் நீண்ட கூட்டுக்குள் அடைந்திருக்கும்.
- பூச்சி: வெளிர் சாம்பல் பழுப்பு நிற பூச்சியில் கருப்பு நிற புள்ளிகள் முன் இறக்கைகளில் காணப்படும். பின் இறக்கைகள் வெண்ணிறத்தில் இருக்கும்.
|
| |
| கட்டுப்படுத்தும் முறை:
பொருளாதார சேத நிலை : 15% வெண்கதிர் அறிகுறிகள்
உழவியல் முறைகள்:
- கோ 312, கோ 421, கோ 661, கோ 917 மற்றும் கோ 853 போன்ற எதிர்ப்பு இரகங்களை பயிரிடவும்.
- சாகுபடிப் பருவத்தில் டிசம்பர்– ஜனவரி முன்பட்டத்தில் பயிர் செய்தால் இளக்குருத்துப் புழுவின் தாக்குதலை குறைக்கலாம்.
- தக்கைப்பூண்டினை ஊடு பயிராகப் பயிரிடுவது நல்ல பலனளிக்கும்.
- நடவு செய்த 3 நாட்கள் கழித்து காய்ந்த சோகையினை 10-15 செ.மீ உயரத்திற்கு பரப்பி மூடி வைக்க வேண்டும்.
- மண்ணின் வெப்பத்தினைக் குறைக்க போதுமான நீர் பாய்ச்சுதல் மற்றும் ஈரப்பதத்தினை அதிகரிப்பது இளங்குருத்துப் புழுப் பெருக்கத்தினை தடுக்க இயலும்.
- 45வது நாளில் பகுதி மண் அணைப்பதால் இளக்குருத்துப் புழுவின் தாக்குதலை குறைக்கலாம்.
இயற்பியல் முறைகள்:
- இணக்கவர்ச்சி பொறி 10 / ஏக்கர் என 45 செ.மீ உயரத்தில் வயலில் பொருத்த வேண்டும்
- தாக்கப்பட்ட நடுக்குருத்துகளை சேகரித்து அழித்து விடவேண்டும்.
உயரியல் முறை:
- 1.5 x 113 ஐ.பி/எக்டர் அதாவது 750 நோயுற்ற கிரானுலோசிஸ் வைரஸ்களை ஒரு ஹெக்டரில் நடவு செய்த 35 வது மற்றும் 50 வது நாளில் விட வேண்டும்.
- டாச்சினிட் ஒட்டுண்ணியான ஸ்டர்மியோப்சிஸ் இன்பெரன்ஸ்ன் கிராவிட் பெண் பூச்சிகள் 125 னை ஒரு ஏக்கர் வயலுனுள் விடலாம்.
இரசாயன முறை:
- பொருளாதார சேத நிலையை 15% தாண்டினால் கீழ்காணும் ஏதேனும் ஒரு மருந்தினை அடிக்கவும்.
- கார்போரைல்+லின்டேன் (செவிடால்) 4% (குருனைகள்) 12.5 கி.கி, லின்டேன் 10 கி 12.5 கி.கி, கார்போஃபியூரான் 3 ஜி 33 கி.கி (மண்ணில் இடுதல்). குருணைகள் இட்ட உடனே நீர் பாய்ச்சுதல் அவசியம்.
- குளோர்பைரிபாஸ் 1000 மி.லி டீபால் (250 மி.லி/500 லி நீருக்கு) உடன் கலந்து தெளிப்பதால் இலைப்பரப்பில் மருந்து நன்கு ஒட்டிக்கொள்ளும். உயர் அழுத்தத் தெளிப்பான்களைப் பயன்படுத்தித் தெளிப்பது சிறந்தது.
|
Content Validators:
Dr.V.Jayakumar, Senior Scientist (Plant Pathology), Sugarcane Breeding Institute, Coimbatore -641007.
Dr.T.Ramasubramanian, Senior Scientist (Entomology), Division of Crop Protection, Sugarcane Breeding Institute, Coimbatore -641007.
Dr.M.Ravi, Assistant Professor (Entomology), Krishi Vigyan Kendra, Sirugamani- 639115.
Source of Images:
http://www.nbair.res.in/insectpests/Chilo-infuscatellus.php |
|
