பூச்சியின் விபரம்
ஏரியாஸ் வைட்டெல்லா

• புழு - பழுப்பு நிறத்தில் இருக்கும். உடலின் மேற்பரப்பில் வெள்ளை நிறக்கோடு காணப்படும்.
• அந்துப்பூச்சி - அந்துப்பூச்சி வெளிர் மஞ்சள் நிறத்தில் இருக்கும். முன் இரண்டு இறக்கையில் பச்சை நிறக்கோடு காணப்படும். பின் இறக்கை வெளிர் மஞ்சள்  நிறமாக இருக்கும்.

ஏரியாஸ் இன்சுலேனா

• புழு - பழுப்பு  நிறத்தில் இருக்கும், உடலின் மேற்பரப்பில் கரும் புள்ளிகள் காணப்படும். பக்க வாட்டில், சிறிய முள் போன்ற நீட்சிகள் இருக்கும்.
• அந்துப்பூச்சி - அந்துப்பூச்சி பச்சை நிறமாகவும், பின்னிறக்கை வெளிர் மஞ்சளாகவும் இருக்கும்.

கட்டுப்பாடு : பொருளாதார சேத நிலை : 10 சத சேதம்

• பூச்சி தாக்கப்பட்ட மொட்டு, பூ ஆகியவற்றை சேகரித்து அகற்ற வேண்டும்.
• பூச்சி உண்ணக்கூடிய மாற்று பயிர் வகைககளான வெண்டி, துத்தி ஆகியவற்றை நீக்க வேண்டும்.
• பயிரின் ஆரம்ப நிலையில் எக்டருக்கு 1 லிட்டர் பாஸலோன் மருந்தை தண்ணீருடன் கலந்து தெளிக்கவும்.
• நன்கு வளர்ச்சியடைந்த பயிரில் சேதம் அதிகமாகும்போது குயினால்பாஸ் 2 லிட்டர் அல்லது பாசலோன் 2.5 லிட்டர் மருந்தைத் தெளிக்கவும்.

  நுனிக் குருத்து வாடித் தொங்குதல்	துளைகள் மற்றும் அழுகுதல்	மலராத மொட்டுக்கள்

தாக்குதலின் அறிகுறிகள்

• புழுக்கள் இளம் பருத்தி பயிரைத் தாக்குவதால் குருத்துப்பகுதி வாடிக் காய்ந்து தொங்கும்.
• மலரும் தருணத்தில் மொட்டுகளையும், பூக்களையும் தாக்கி சேதம் விளைவிக்கும். அவற்றில் ஓட்டைகள் இருக்கும்.
• தாக்கப்பட்ட மொட்டுக்கள் மலராமலேயே விழுந்துவிடும்.

ஏரியாஸ் வைட்டெல்லா
புழு	அந்துப்பூச்சி

ஏரியாஸ் இன்சுலேனா
புழு	அந்துப்பூச்சி