தாக்குதலின் அறிகுறிகள்

•  முட்டையிலிருந்து வெளிவரும் இளம் புழுக்கள் கப்பைகளையும், மொக்குகளையும் , பூக்களையும் மற்றும் இளம் காய்களையும் தாக்கி அழிக்கும்.
•  தாக்கப்பட்ட மொட்டுகள் உதிர்ந்து விடும்.
•  தாக்கப்பட்ட மலர்கள் நெருக்கமாய் குவிந்து காணப்படும்.
•  வளர்ச்சியடைந்த புழு காயினைத் துளைத்து உள்ளே சென்று உண்டு சேதம் விளைவிக்கும்,விதைகளையும் தாக்கும்.
•  இதனால் தாக்கப்பட்ட பஞ்சுகள் கரைபடிந்து காணப்படும்.

பூச்சியின் விபரம்

•  புழு இளஞ்சிகப்பு நிறத்திலும், பழுப்பு நிற தலையையும் கொண்டிருக்கும்.
•  அந்துப்பூச்சி பழுப்பு நிறத்தில் இருக்கும். இரண்டு இறக்கையிலும் வரிவரியாய் கோடுகளும்,  புள்ளிகளும் காணப்படும்.

 கட்டுப்பாடு

• பயிர் சேதங்களை அகற்றி வயல்களை சுத்தமாக வைத்து கொள்ள வேண்டும்.
• நிலத்தை ஆழமாக உழுவதன் மூலம் கூட்டுப்புழுக்களை அழிக்கலாம்.
• சரியான பருவத்தில் விதைப்பு செய்வதன்மூலம் இப்பூச்சியின் தாக்குதலைத் தவிர்க்கலாம்.
• தண்ணீர் தேங்குதலைத் தவிர்க்க வேண்டும்.
• இப்பூச்சியின் தாக்குதல் பொருளாதார சேத நிலையைத் தாண்டும் பொழுது எக்டர்க்கு ட்ரைசோபாஸ் 2.5 லிட்டர் அல்லது எண்டோசல்பான் 2 லிட்டர் மருந்தைத் தெளித்து இளஞ்சிகப்பு புழுவின் தாக்குதலைக் குறைக்கலாம்.