தாக்குதலின் அறிகுறிகள்.
- இப்புழு, காயினைத் துளைத்து தலைப்பகுதியை மட்டும் உள்ளே செலுத்தி, உடலின் பாதி பகுதியை வெளியே வைத்துக் கொண்டு உண்ணும்.
- காயில் வட்ட வடிவ ஓட்டையும், சிறு துகள் போன்ற எச்சமும் காணப்படும்.
பூச்சியின் விபரம்
- முட்டைகள் - அந்துப்பூச்சி மஞ்சள் நிற முட்டைகளை இலைகளின் மேற்பரப்பில் தனித்தனியே இடும்.
- புழு பச்சை அல்லது பழுப்பு கலந்த மஞ்சள் நிறத்தில் இருக்கும்
- கூட்டுப்புழு மண்ணிற்குள் பழுப்பு நிறத்தில் இருக்கும்.
- அந்துப்பூச்சி பழுப்பு நிறத்தில் இருக்கும். முன் இறக்கையில் V- வடிவ கோடு இருக்கும். வெண்ணிற பின் இறக்கையின் ஓரப்பகுதி பழுப்பு நிறத்தில் இருக்கும்.
கட்டுப்பாடு:
பொருளாதார சேத நிலை, செடிக்கு 1 முட்டை/ 1 புழு)
(தொடர்ச்சியாக பருத்தி பயிரிடுவதைத் தவிர்த்து மாற்று பயிர்களை பயிரிட வேண்டும்.
- புழுவால் தாக்கப்பட்ட சப்பை, காய், மொட்டு, பூக்களை சேகரித்து அகற்ற வேண்டும்.
- தேவைக்கு அதிகமாக பசுந்தாள் உரங்களை இடக்கூடாது.
- தேவையான அளவு நீர் நிர்வாகம் செய்ய வேண்டும்.
- விதைப்பு செய்த 7வது மற்றும் 12வது வாரங்களில் நீயுக்ளியார் பாலிஹெட்ரோசிஸ் (என்.பி.வி) வைரஸை (3X102 POB)/மிலி மாலை நேரத்தில் இரண்டு முறை தெளித்து காய் புழுவினை அழிக்கலாம்.
- விதைப்பு செய்த 45 நாட்கள் கழித்து முட்டை ஒட்டுண்ணியான ட்ரைக்கோகிரம்மா (6.25 சி.சி / எக்டருக்கு 15 நாள் இடைவெளியில் மூன்று முறை) பயன்படுத்தி அந்துப்பூச்சியின் முட்டைகளை அழிக்கலாம்.
- கண்ணாடி இறக்கைப் பூச்சி, கிரைசோபெர்லா ஐ எக்டருக்கு 1 லட்சம் என்ற எண்ணிக்கையில் வெளியிட்டு காய்ப்புழுவை அழிக்கலாம்.
- இயற்கை எதிரிகளுக்கு பாதிப்பு விளைவிக்காத பூச்சி மருந்துகளான வேப்பெண்ணெய், வேப்பங்கொட்டை சாறு, பாசலோன் ஆகியவற்ளைத் தெளிக்க வேண்டும்.
- கைத்தெளிப்பான் அல்லது விசைத் தெளிப்பான் கொண்டுதான் மருந்தைத் தெளிக்க வேண்டும்.
- மருந்துகளை சரியான அளவிலும், சரியானஅளவு தண்ணீருடனும் கலந்து தெளிக்க வேண்டும்.
- காய்கள் உருவாகும் சமயம் கீழ்காணும் ஏதேனும் ஓர் மருந்தினை எக்டருக்கு 1000 லிட்டர் தண்ணீருடன் கலந்து தெளிக்கவும்.
- பாசலோன் 35 EC 2.5 லிட்டர்
- குயினால்பாஸ் 25 EC 2.0 லிட்டர்
- கார்பரில் 50 நனையும் தூள் 2.5 கிலோ/எக்டர்
|
 |
முட்டைகள் |
 |
புழு |
 |
கூட்டுப்புழு |
 |
அந்துப்பூச்சி |
|
