தாக்குதலின் அறிகுறிகள்:

• இளம் புழுக்கள் இலைகளில் மஞ்சள் நிறத்தில் துளையிட்டு உள்ளிருந்து சாப்பிடும்
• புழுக்கள் இலைகளின் பச்சையத்தைச் சுரண்டித்தின்று சல்லடை போல் செய்துவிடும் மேலும் இலையின் மேற்பரப்பில் வெண்ணிறத் திட்டுகளை உருவாக்கும்
• வளர்ந்த புழுக்கள் இலைகளில் துளைகளை ஏற்படுத்தி சேதப்படுத்தும்

பூச்சியின் விபரம்:

• முட்டை: மிகச்சறிய மஞ்சள் நிற முட்டை. இலையின் மேற்பரப்பில் தனியாகவோ அல்லது குழுக்களாகவோ முட்டையிடும்
• புழு: வெளிர் மஞ்சள் கலந்த பச்சை நிறப்புழுக்கள்
• கூட்டுப்புழு: கண்ணாடி போன்ற பட்டுக்கூட்டில் இலைகளில் இருக்கும்.
• பூச்சி: அந்துப்பூச்சி சாம்பல் நிறம் கலந்த பழுப்பு வண்ணமுடையது. முன் இறக்ககைளில் வெண்மை நிறக்கோடுகள் இருக்கும். இப்பூச்சி, இறக்கைகளை மடித்து அமர்ந்திருக்கும்போது  “வைரம்” போன்ற புள்ளிகள் முதுகுப் புறத்தில் இருப்பதைக் காணலாம்.

கட்டுப்படுத்தும் முறை:

• அறுவடைக்குபிறகு பண்னைக் கழிவுகள், இலைகள், சேகரித்து அழிக்கவும்.
• கடுகுப் பயிரை கவர்ச்சிப்பயிராக 25 வரிசை முட்டைக்கோசுக்கு 2 வரிசை கடுகு பயிரிட வேண்டும்.
• கடுகு பயிருக்கு மட்டும் டைக்குளோர்வாஸ் 0.076% தெளித்து புழுக்களின் நடமாட்டத்தை கட்டுப்படுத்தவும்.
• இனக்கவர்ச்சிப்பொறி ஹெக்டேருக்கு 12 வைக்கவும்.
• பயிர் சுழற்சி முறையில் பூசினி வகைக்கொடி,அவரை,தக்காளி மற்றும் தர்ப்பூசினி முதலியவற்றை பயிரிடலாம்
• மலைப்பிரதேசங்களில் புழு ஒட்டுண்ணியான டைடிக்மா செமிக்ளோசம் ஹெக்டேருக்கு 1,00,000 விடவும்.எமற்றப்பகுதியில் கொடீசியா புளுட்டேல்லே ஹெக்டேருக்கு 20,000 - மூன்று முறை நாற்று நட்ட 20ம் நாளிலிருந்து 10 நாட்கள் இடைவெளியில் விடலாம்.
• வேப்பம் கொட்டை வடி நீர் 5 சதம் தெள்க்கவும்.
• உயிரியல் புச்சிக்கொல்லி பெசில்லஸ் துருன்ஜியென்சிஸ் வகை குர்ஸ்டக்கி 2 கிராம்/லிட்டர் தெளிக்கவும்.
• கார்டாப் ஹைட்ரோகுளோரைடு 0.5 சதம் நட்ட 10, 20 மற்றும் 30 நாட்களுக்கு தெளிக்கவும்.