தாக்குதலின் அறிகுறிகள்:

• முட்டையிலிருந்து வெளிவரும் புழுக்கள் இலையின் பச்சையத்தை சுரண்டி சாப்பிடும்
• இலைகளை சல்லடை போல் அரித்து வெள்ளை நிறத்தில் இலையின் நரம்புகள் மட்டும் இருக்கும்
• வளர்ந்த புழுக்கள் இலைகளில் சிறு துளைகளை விட்டு சாப்பிடும்
• வளர்ந்த புழுக்களின் தாக்குதல் தீவிரமானால் செடி முழுதையும் கண்டபடி சாப்பிடும்

பூச்சியின் விபரம்:

• முட்டை: தாய்ப்பூச்சி இலையில் சந்தனப் பொட்டு போன்று குவியலாக முட்டையிட்டு உரோமத்தால் மூடும்.
• புழு: இளம்புழுக்கள் கூட்டமாக ஒரே இடத்தில் இருக்கும். புழு கருமை கலந்த பச்சையாகவும், தலைப்பகுதிக்குச் சற்று பின்புறத்தில் இரண்டு கருப்புப் புள்ளிகளுடனும் உடம்பில் திட்டுத் திட்டான கரும்புள்ளிகளும் இருக்கும்.
• முதிர்பூச்சி: பழுப்பு நிறத்தில் இருக்கும். முன்இறக்கைகள் கருப்பு நிறப்பின்னியில் மஞ்சள் நிற குறுக்குக் கோடுகள் இருக்கும். பின்இறக்கைகள் வெண்மை நிறத்துடன் ஓரங்களில் பழுப்பு நிற பட்டையுடன் இருக்கும்

கட்டுப்படுத்தும் முறை:

• வயலை உழுது மண்ணில் புதைந்துள்ள கூட்டுப்புழுக்களை வெளிக்கொணர்ந்து அழிக்கவேண்டும்
• வயல் வரப்பு ஓரங்களில் ஆமணக்கை கவர்ச்சிப்பயிராக பயிரிடவும்.
• ஹெக்டேருக்கு 15 இனக்கவர்ச்சிப்பொறி வைத்து ஆண் அந்துப் புச்சிகளை கவர்ந்து அழிக்கவும்
• முட்டை குவியல்கள், புழு கூட்டங்களை கையால் சேகரித்து அழிக்கவும்
• மாலை நேரங்களில் புரோடீனியா என்.பி.வைரஸ் 1.5x1012 புழு சமன் அளவு ஹெக்டேருக்கு தெளிக்க வேண்டும் அல்லது
• கீழ் காணும் ஒரு பூச்சிகொல்லி மருந்தினை தெளிக்கவும்