காய்ப்பேன்: சியோதிரிப்ஸ் கார்டமோமி
சேதத்தின் அறிகுறிகள்
- பூச்சரம் குட்டையாக இருக்கும்
- பூக்கள் மற்றும் பிஞ்சுகள் உதிர்ந்து விடுவதால் காய்களின் எண்ணிக்கை குறைந்து விடுகிறது.
- பிஞ்சுகளின் மேற்பரப்பைச் சுரண்டி சாற்றை உறிஞ்சுவதால் சொரசொரப்பான சொறி போன்று ஏற்பட்டு பிஞ்சுகள் சுருங்கிப் போவதால் காயின் தரம் குறையும்.
- விதைகளில் நிறம் கெட்டு, எடைக் குறைந்து, வாசனைக் குன்றிப்போகும்.
பூச்சியின் விபரம்:
முட்டை
- சிறு நீரக வடிவமுடையது. இளம் தளிர் மற்றும் பூக்களின் மீது தனித்தனியாக இடும்.
பூச்சி
- காய்ப்பேன் நுண்ணியதாகவும், சாம்பல் கலந்த பழுப்பு நிறமாகவும் சீப்புப் பற்கள் போன்ற இறக்கைகளைக் கொண்டதாகவும் இருக்கும்.
கட்டுப்படுத்தும் முறைகள்:
- தோட்டத்தில் நிழல்கள் ஏற்படுத்துவதை ஒழுங்குபடுத்தவும்.
- குயினல்பாஸ் 0.025 சதம் அல்லது ஃபாஸோலோன் 0.07 சதம் மார்ச் முதல் ஆகஸ்டு மாதங்களில் தெளிக்கவும்.
குறிப்பு
மிகச்சிறந்த காய்ப்பேன் மேலாண்மைக்கு கடைப்பிடிக்க வேண்டியவை.
- பூச்சிக்கொல்லி தெளிப்பதற்கு முன்பு தோகை உரிக்கவேண்டும்.
- மழைப் பெய்யும் பொழுது பூச்சிக்கொல்லி தெளிக்கக்கூடாது.
- 250-500 மிலி தெளித்திரவத்தை செடியின் வளர்ச்சிக்கு தகுந்தாற்போல் உபயோகிக்கலாம்.
|
 |
| காயில் சொரசொரப்பான சொறி |
|
