அறிகுறிகள்:

• எலும்புக்கூடு போன்ற இலைகள், செடிகள் வெள்ளை நிறமாக மாறும்
• இளம் புழுக்கள் இலை மொட்டு, பூக்கள், இளம் காய்கள், வளரும் விதைகளை உண்ணும்
• சிதலமடைந்து, ஒழுங்கற்ற காய்கள் தோன்றும் (இது பச்சைக்காய்ப் புழுவின் அறிகுறிகளுக்கு மாறுபட்டு இருக்கும்)

பூச்சியின் விபரம்:

• முன்னிறக்கைகள் வித்தியாசமான வடிவமைப்புடன் காணப்படும்
• புழுக்கள் 25 மி.மீ நீளத்துடன் இருக்கும்

கட்டுப்பாடு

• 10 % பொருளாதாரச் சேத நிலை அடையும் போது கட்டுப்பாட்டு முறைகளை மேற்கொள்ள வேண்டும்.
• ஆழமான வெயில் உழவு 2-3 வருடங்களுக்கு செய்ய வேண்டும்.
• பருவத்துக்கு முன்னரே விதைத்தல், குறைந்த வாழ்நாள் உடைய இரகங்களைப் பயிரிடுதல்
• நெருக்கமாகப் பயிரிடுவதை தவிர்க்க வேண்டும்.
• உயரமான சோளப்பயிரை பயிரிடுவதால் பறவை தாங்கிகளாக செயல்படும்.
• புழுக்கள் மற்றும் தாய்ப்பூச்சிகளை அகற்றி அழிக்க வேண்டும்.
• இனக் கவர்ச்சிப்பொறி 50 மீ இடைவெளியில் ஒரு எக்டருக்கு 5 பொறிகள் என்ற விதத்தில் வைக்க வேண்டும்.
• ஒரு எக்டருக்கு 50 பறவை தாங்கிகள் அமைக்க வேண்டும்.
• விளக்குப் பொறிகள் 5 ஏக்கருக்கு ஒன்று அமைத்து பூச்சிகளைக் கட்டுப்படுத்தலாம்.
• டிரைக்கோகிரம்மா கைலோனிஸ் ஒரு எக்டருக்கு, ஒரு வாரத்திற்கு 1.5 இலட்சம் என்ற அளவில் 4 முறையில் அளிப்பதால் கட்டுப்படுத்தலாம்.
• பச்சை கண்ணாடியிறக்கைப் பூச்சி, இறைவிழுங்கிகளான பச்சாடைப்பூச்சி, சிலந்திகள், எறும்புகளை வளரவிடலாம்.
• என். பி. வி 250 எல். இ  / எக்டர் என்ற விகிதத்தில் புழுக்களின் ஆரம்ப நிலையில் அளிக்க வேண்டும். என். பி. வி யை 0.1 % டீ பால் சோப் கரைசல்  + கரும்புச் சர்க்கரை 0.5 % என்ற விதத்தில் கலந்து 10 – 15 நாட்கள் இடைவெளியில் பூக்கும் பருவம் ஆரம்பிக்கும் காலத்தில் மூன்று முறை தெளிக்க வேண்டும்.
• பி. டி. 600 கி வேப்ப எண்ணெய்  / புங்கம் எண்ணெய் 80 கி. கி 2 மிலி / லிட்டர் என்ற அளவில் தெளிக்க வேண்டும்
• வேப்பங்கொட்டைச்சாறு 5%, டிரைஅசோபாஸ் 0.05 %  அளித்த பின்னர் 2 முறை தெளிக்க வேண்டும்
• பின்வரும் பூச்சிக் கொல்லிகளில் ஏதேனும் ஒன்றை 25 கிலோ / எக்டர் என்று அளிக்க வேண்டும்.
  • குயினால்பாஸ் 4 டி
  • கார்பரில் 5 டி
  • குயினால்பாஸ் 25 இ.சி ஒரு எக்டருக்கு 1000 மி லி என்ற அளவில் தெளிக்க  வேண்டும்.