அறிகுறிகள்

• இளம்புழுக்கள் நரம்புகளை மட்டும் விட்டுவிட்டு இலையில் உள்ள அனைத்து பச்சையத்தையும் சுரண்டி உண்டு விடும். இதனால் இலைகள் எலும்புக் கூடு போல் காட்சியளிக்கும்.
• முடிவில் இலைகள் உதிர்ந்து விடும்.
• பூக்கள் மற்றும் பச்சைக்காய்களை உண்ணும்
• பச்சைக் காய்களில் வட்ட வடிவ துளைகள் ஏற்படுத்தி, காயின் உள்ளே உள்ளவற்றை உண்ணுவதால், வெற்றுக் காய்கள் மட்டும் செடிகளில் இருக்கும்.

பூச்சியின் விபரம்

முட்டைகள்   - வட்ட வடிவில், பால் வெள்ளை நிறத்தில், தனித்தனியாக இருக்கும்.
கூட்டுப்புழு -   பழுப்பு நிறத்தில் இருக்கும்
மண், இலை, காய் மற்றும் பயிரின் குப்பைகளில் காணப்படும்.
தாய்ப்பூச்சி – இளம் பழுப்பு கலந்த மஞ்சள் நிறத்தில், தடித்து இருக்கும்.
முன்னிறக்கைகள் சாம்பல் நிறத்திலிருந்து இளம் பழுப்பு நிறத்துடன் V வடிவ குறியுடன் காணப்படும்.
பின்னிறக்கைகள் இளம் வெள்ளை நிறத்தில், அகலமான கருப்பு நிற வெளி விளிம்புடன் காணப்படும்.

கட்டுப்பாடு

• இனக்கவர்ச்சிப் பொறி எக்டருக்கு 12 என்ற எண்ணிக்கையில் வைத்து பூச்சி நடமாட்டத்தைக் கட்டுப்படுத்தவும்.
• எக்டருக்கு 50 பறவைத் தாங்கிகள் என்ற எண்ணிக்கையில் அமைக்கவும்.
• வளர்ந்த புழுக்களை சேகரித்து அழிக்கவும்.
• பச்சைக் காய்ப்புழு நச்சுயிரியை எக்டருக்கு 1.5 X 10 12  கிருமிகள் மற்றும் ஒட்டும் திரவம் 1.0 மி லி  / லி.  என்ற விகிதத்தில் கலந்து தெளிக்கவும்.
• கீழ்கண்ட பூச்சிக் கொல்லி மருந்துகளில் ஏதேனும் ஒன்றினை ஒரு எக்டருக்கு 625 லிட்டர் தண்ணீரில் கலந்து தெளிக்கவும் /  தூவவும்.
  • டைகுளோர்வாஸ் 625 மி.லி
  • குயினால்பாஸ் 4 சதத்தூள் 25 கி.கி
  • கார்பரில் 5 சதத்தூள் 25 கி.கி
  • டிரைஅசோபாஸ் 750 மி லி சதம் தெளித்தபின் வேப்பங்கொட்டைச்சாறு கரைசல் 31.0 லி /  எக்டர் இரண்டு முறை தெளிக்கவும்.
  • பாசலோன் 35 இ.சி 1.25 லி

(குறிப்பு: புழுக்களின் மூன்றாம் பருவநிலைகள் வரை மட்டுமே பூச்சிக் கொல்லிகள் பச்சைக் காய்ப்புழு நச்சுயிரி தெளிக்கவும்.)